Yashastilaka 4.423.1

4.423.1

senāpatiḥ pratāpavardhano nāma camūpatistatrāvasare tasmin prastāve punaḥ punarapi evaṃ vakṣyamāṇaprakāreṇa īhāṃcakre ceṣṭitavān | evaṃ kathamiti cet—aho dhīrāḥ | ajātetyādi | ajātocitavṛttīnā ajātā anutpannā ucitā vṛttirātmayogyā pravṛttiryeṣā te tathā teṣām īdṛgvidhānā puṃsā galagarjitaiḥ kaṇṭhaśabditaiḥ kim | na kimapi | kiṃ tu śūrāṇā kātarāṇā ca bhītamūrtīnā raṇe vyaktiḥ sphuṭaṃ bhaviṣyati janiṣyate | ākṣepālaṃkāraḥ || tattasmāt kāraṇāt yathābhāgaṃ yathaikadeśaṃ bhavantaḥ tiṣṭhantu | kathaṃbhūtāḥ santo bhavantaḥ tiṣṭhantu | upasaṃhṛtasaṃrambhāḥ parityaktakropāḥ santaḥ | punaśca kathaṃbhūtāḥ bhavantaḥ | pratyāvṛttavākpāruṣyaprārambhāḥ pratyāvṛtta saṃbhūtaḥ vākpāruṣyasya rūkṣatāyāḥ prārambho yaiste tathoktā | aho svāmipratāpavardhanāgrahin yaśodharamahārājapratāpavardhane āgraho vidyate yasya sa tathā tasya saṃbodhana he tathokta, he saṃdhivigrahin pradhānadūta, bhavato'pi tathāpi āvegena utsukatayā alaṃ pūrṇam | enaṃ acalasya lekham (likhilā) akṣaravinyāsa avadhārya hṛdayamānīya pratilekho lipyatām | idaṃ prābhṛtaṃ sāramavalokya dṛṣṭvā pratiprābhṛtaṃ badhyatā pratyupaḍhaukanikā baddhā kriyatām | vidhīyatā kriyatā ca asya trayasya dūtalekhaprābhṛtatritayasya yathārhaṃ yathāyogyaṃ arhaṇā pūjā viracyatām | yasmāt kāraṇāt udyateṣvapi udyataṃ prāpteṣvapi śastreṣu dūtamukhā dūtavaktrā vai niścayena rājāno bhavanti | teṣā dūtānā antāvasāyino bhṛtyā api anavamānyāḥ na apamānanīyā bhavanti | kiṃ punaranye dūtā apamānanīyā bhavanti | api tu na bhavantītyarthaḥ ||