Yashastilaka 4.423.3

4.423.3

pallavapāṇḍyacolaceramahamryanirmāṇaprakāśamānadigvijayavāhinīpracāraḥ pallavaśca deśaviśeṣaḥ, pāṇḍyaśca nīvṛdviśeṣaḥ, colaśca viṣayaviśeṣaḥ, ceramaśca janapadaviśeṣaḥ, teṣu hamryanirmāṇene āvāsakaraṇena prakāśyamānaḥ prakaṭīkriyamāṇo digvijayasaṃbandhinyā vāhinyāḥ senāyāḥ pracāraḥ pravarttanaṃ yasya sa tathoktaḥ | punaḥ kathaṃbhūtaḥ | cāracakṣuḥsahasrasākṣātkṛtasakalabhūpālamaṇḍalaḥ cārāḥ praṇidhayasta eva cakṣūṃṣi teṣāṃ sahasreṇa sākṣātkṛtāni pratyaśatayā dṛṣṭāni sakalabhūpālānaṃ maṇḍalāni yena sa tathoktaḥ | punaḥ kathaṃbhūtaḥ | maṇḍalāgradhārājalanimagnanikhilārātisaṃtānaḥ maṇḍalāgrasya khaḍgasya dhārājale khaṭ‍gāpānīye nimagnā truṭitā nikhilānāṃ arātīnāṃ saṃtānā yasya sa tathoktaḥ | punaḥ kathaṃbhūtaḥ | saṃtānanamerumandārapārijātavanadevatāgītodāharaṇaguṇaprapañcaḥ saṃtānaśca kalpavṛkṣaviśeṣaḥ, nameruśca suratarubhedaḥ, mandāraśca amarāṅgapaviśeṣaḥ, pārijātaśca nākālokahastaiṣāṃ vanāni teṣāṃ yā devatāstāsāṃ gīte gambhīrānande udāharaṇaṃ dṛṣṭāntavacanaṃ guṇaprapañcasya guṇavistarasya yasya sa tathoktaḥ | puna kadhabhūta | pañcamo lokapāla madhyamalokapratipālaka | puna kathabhūta | padmāvatīpuraparameśvara ujjayinīpurīparamaprabhu | puna kathabhūta | kanakagirinātha suvarṇagirināmaparvatopari vasati yat nagara tat kana kagirirityucyate ujjayinyā samīpe gavyūtidvaya gatvā kanakagiri prāpyate, tasya nātha svāmī | puna kathabhūta | śiprāsarijjalakelikuñjara ujjayinyā samīpe śiprānāma nadī saridvartate, tasyā jalakelau jalakrīḍākaraṇe kuñjara | puna kathabhūta |