Yashastilaka 4.442

4.442

tayoḥ śobhārambho maṇḍanavidhistena | punaśca kasmin sati | śaṃkare sati | kiṃ kurvati | sudhāsūtikalāṃ nijamastakasthitacandrakalāṃ vidhurayati nicotayati sati | kena kṛtvā | girisutādharadaśanadaṃśanavyathāpāyavaidagdhyena girisutāyāḥ pārvatyā adharasya daśanadaṃśanasya dantacarvaṇasya yā vyathā tasyā apāyavaidagdhyaṃ vināśacāturyaṃ tena | punaśca kasmin sati | bhujaṃganāthe śeṣanāge sati | kiṃ kurvati | nijaphaṇāmaṇīnniva krīḍayati vihārayati sati | kena kṛtvā | bhujaṅgīśikhaṇḍamaṇḍanāḍambareṇa bhujaṅgī devī padmāvatī tasyāḥ śikhaṇḍo mastakaṃ tasya maṇḍanāḍambaro bhūṣaṇāṭopastena ||
api ca tathā ca kṛtaśravaṇāmṛtaniṣyandīḥ kṛtāḥ śravaṇānāṃ amṛtaniṣyandayaḥ pīyūṣavarṣaṇāni yābhiḥ sūktibhistāstathā tāḥ | itīti kim-haṃso yatretyādi | yatra vasantasamaye haṃsaḥ priyāṃ sevate | kaiḥ kṛtvā | mṛṇālinīkisalayaiḥ | yatra vasante gajaḥ priyāṃ sevate | kaiḥ kṛtvā | gaṇḍūṣatoyaiḥ kullakajalaiḥ | yatra vasante kokaḥ priyāṃ sevate | kaiḥ kṛtvā | cumbanaceṣṭitaiḥ | yatra vasante pārāpataḥ kalaravaḥ priyāṃ sevate | kaiḥ kṛtvā | kūjitaiḥ | pārāpataḥ kiṃ kurvan | paripatan saṃmukhamāgacchan | yatraiṇaḥ priyāṃ sevate | kaiḥ kṛtvā | śṛṅgavigharṣaṇaiḥ śṛṅgābhyāṃ vividhollekhanaiḥ | yatra mṛgapatiḥ priyāṃ sevate | kaiḥ kṛtvā | gāḍhaṃ punaḥśleṣaṇaiḥ pūrvoktā guṇāḥ taiḥ | kathaṃbhūtaḥ | śṛṅgāraprasaraprasādihṛdayaḥ śṛṅgāraprasareṇa rāgavyāptyā prasādi prasannaṃ hṛdayaṃ yasya sa tathoktaḥ | kathaṃbhūtāṃ priyām | svāṃ svāṃ ............ | samuccayālaṃkāraḥ ||
yatrāśokatarurityādi | he kṣoṇīśa, sa jagatprasiddha eva pratyakṣībhūto bhavatastava parāmutkṛṣṭāṃ prītiṃ harṣaṃ puṣyatu puṣṭiṃ nayatu | sa kaḥ | yatra vasante aśokataruḥ puraṃdhricaraṇasparśapravṛddhaspṛho vartate puraṃdhrīṇāṃ caraṇasparśaṃ pādatāḍane pravṛddhā spṛhā