Yashastilaka 4.445

4.445

yasya sa tathā | yasmin vasante ayaṃ kesaro bakulavṛkṣaḥ kāntāvakramadhūni punarvāñchati | yatra vasante ayaṃ virahavṛkṣaḥ pañcamaruciḥ pañcamarāgābhilāṣī vartate | kathaṃbhūto virahavṛkṣaḥ | cetobhavaskāraṇaḥ kāmābhisahakārī | jātyalaṃkāraḥ || bhūta ityādi | he rājan, so'yaṃ vasantotsavo vartate | sa kaḥ| yatra bhūtaḥ kokilakāminīkalaravaiḥ kāntaprasūnāntaraḥ manoharapuṣpamadhyaḥ | yatra punnāgastuṅgatahaḥ puruṣavṛkṣaḥ śukasundarīkṛtaratiḥ vartate śukasundarībhiḥ kṛtā ratiryatra saḥ | kathaṃbhūtaḥ punnāgaḥ | ullasatpallavaḥ prādurbhavatpravālaḥ | yatra kuruvakaḥ | āmlānataruḥ puṣyatsmeradalādharaḥ vikasadīpatsphuṭaparṇabimboṣṭhaḥ | kathaṃbhūtaḥ kuruvakaḥ | krīḍadvirephāṅganaḥ krīḍanto ramamāṇā dvirephāṇāṃ bhramarāṇāṃ aṅganā alindyo yatra vasantotsave | kathaṃbhūtaḥ | succhāyacchadamādhavīparicitaḥ succhāyāḥ kāntimantaśchadāḥ parṇāni yāsāṃ tāḥ succhāyacchadāstāśca mādhavyo vasantavallyastābhiḥ paricitaḥ saṃyuktaḥ | hetvalaṃkāraḥ || utphullavallītyādi | he rājan, yatra vasante taravo vilāsillokān kāmukajanān vadantīva sūcayantīva | kathaṃbhūtāstaravaḥ | puṣpodgamāt puṣpaprādurbhāvāt saṃjātakāntatanavaḥ utphullavallivalanollasadaṅgasaṅgasaṃjātakāntatanavaḥ utphullā yā vallyastāsāṃ valanena veṣṭanena ullasanti utkṛṣṭīkṛtāni bhavanti yāni aṅgāni teṣāṃ saṅgena saṃjātāḥ samyagutpannāḥ kāntāstanavo yeṣāṃ te tathā | taravaḥ kiṃ vadanti | mānaṃ vimucya smarasevitāni kāmasevanāni kuruta vidadhata yūyam | utprekṣālaṃkāraḥ || brahmā kathamityādi | he rājan, vasante smare svayavijṛmbhitabāṇavṛttau svayena