Yashastilaka 6.241.1

6.241.1

vyasya suvarṇasya kaśiporvarṇasya kaśiporvastrabhojanadvayasya nāśarahitamiti spaṣṭam | tathā coktam—'vastre ca bhojane caiva taddvayoḥ kaśipurmataḥ' iti vacanāt | punaḥ kathaṃbhūtaṃ rājasadanam | nāgeśanivāsamivāpyadvijihvaparijanam | nanu yannāgeśanivāsaṃ nāgarājabhavanaṃ tat advijihvānāṃ sarpāṇāṃ parijanarahitaṃ kathaṃ bhavati | iti viruddham | parihiyate—nāgeśānāṃ gajendrāṇāṃ nivāsaṃ dvijihvānāṃ durjanānāṃ nivāsaṃ laṇṭhāluñcanalampaṭānāṃ parijanarahitamiti svaccham | punaḥ kathaṃbhūtaṃ rājasadanam | vanadevatānivāsamivāpyakuraṅgam | nanu yat vanadevatānivāsaṃ tadakuraṅgaṃ mṛgarahitaṃ kathaṃ bhavati | viruddhametat | parihiyate—vanasya amṛtasya priyodakadevatānāṃ svargiṇāṃ yā lakṣmīstayornivāsamakuraṅgaṃ ca avidyamānaḥ kutsito raṅgaḥ kācapacyaṃ yatra tadakuraṅgamiti spaṣṭam | upamālaṃkāro virodhābhāsālaṃkāraśca ||