Yashastilaka 6.241.3

6.241.3

evamamunā prakāreṇa tat jagatprasiddhaṃ tribhuvanatilakaṃ nāma rājasadanaṃ āsādayāṃbabhūva ahaṃ prāpayāṃbabhūva | prāpavānityarthaḥ | ahaṃ kiṃ kurvan san tribhuvanatilakaṃ nāma rājasadanaṃ prāpayāṃbabhūva | aparāsāmapi anyāsāṃ na kevalaṃ nagarastrīṇāṃ api tu aparāsāmapi mattakāminīnāṃ rūpayauvanasaṃpannārīṇāṃ apāṅgāvalokitaiḥ kaṭākṣavīkṣitaiḥ punaruktena dviguṇīkṛteneva lājālivarṣeṇa ārdrataṇḍulālivarṣeṇa ātmānaṃ phalārthino lokasya kusumitamiva kurvan puṣpitamiva viddhan | kathaṃbhūtānāṃ mattakāminīnām | madālokanotsukamanasāṃ samavīkṣaṇottālahṛdayānām | punaḥ kathaṃbhūtānāṃ mattakāminīnām | nijavibhramāpahasitavāmavīyāvāsavāsitavilāsānāṃ nijaiḥ svakīyairvibhramaiḥ bhrūkṣepairapahasitāḥ tiraskṛtāḥ vāsavīyāvāsavāsitānāṃ svargastrīṇāṃ vilāsā locanaśobhā yāmirmattakāminībhisthoktāstāsām | vāsavasya indrasya ayaṃ vāsavīyaḥ sa cāsāvāvāsaḥ svargalokastasya saṃbandhinyo yā vāsitāḥ striyo devāṅganāstāsāṃ vilāsānāṃ vigrahaḥ | punaḥ kathaṃbhūtānām | anaṅgāśramakāmadhenūnāmiva kaṃdarpagṛhakāmadhenūnāmiva | kāmadāyakānāmityarthaḥ | kathaṃbhūtairapāṅgāvalokitaiḥ smaraśaraniśitaphaliprakāśibhiḥ smarasya kaṃdarpasya ye śarā bāṇāsteṣāṃ niśitāni tīkṣṇāni phalīni bhallayasteṣāṃ prakāśī nirmalatvāt karpūramiva vartate ||