Yashastilaka 7.121

7.121

yat dārāḥ kalatraṃ vikurvate vikṛtiṃ bhajanti so'yaṃ bhartureva doṣaḥ patyureva doṣaḥ yadasau patirdāreṣu abhimānaṃ dadāti | upamālaṃkāraḥ ||
svayamityādi | he rājan, saṃghātaḥ samūhaḥ svayaṃ ātmanā viṣamarūpo'pi uccāvacarūpo'pi kāryakṛdbhavet kāryakārī syāt | kena | adhiṣṭhātuḥ prayatnena svāminaḥ sāvadhānatayā | katham | yathā hasta iva | kathaṃbhūto hastaḥ | asamāṅguliḥ asamānā aṅgulyo yasya sa tathoktaḥ | dṛṣṭāntālaṃkāraḥ ||
devetyādi | he deva he rājan, devasya tava svabhāvata eva nisargeṇaiva kalyāṇācāratvāt śubhācāratvāt amāyāvyavahāratvācca māyārahitācāratvācca ātmanīva svasminniva durātmanyapi jane durācāre'pi loke manaścittaṃ nirañjanasaṃbhāvanaṃ vartate nirdoṣaghaṭanaṃ vartate | yataḥ yasmāt kāraṇāt |
ātmanītyādi | ātmanīva svasminniva paratrāpi parasminnapi prāyo bāhulyena jane loke saṃbhāvanā vartanā | yat yasmāt kāraṇāt stenaścauraiḥ svadoṣāt astenādapi amaliṣṇutvādapi pariśaṅkate śaṅkāṃ karoti bibheti | dṛṣṭāntālaṃkāraḥ ||
tata ityādi | tatastasmāt kāraṇāt he deva he rājan, taṃ pāmarodārasacivaṃ prati devaṃ ca tvāṃ prati taistairjagatprasiddhaiḥ kavibhiḥ prāyeṇa bahulatayā devasya tava pūrvapakṣapātīni bhavasthāpanocchedakāni mahatavṛttāni neṣṭacaritāni (devatāni) sādhu ruciraṃ yathā bhavalyevaṃ sāvadhānatayā samākarṇyatāṃ śrūyatām | kathaṃbhūtaṃ sacivam | hatakacaritaṃ naṣṭācāram | kathaṃbhūtaṃ devam | nirvicāracetaḥprabhāvaṃ vicārarahitamanomāhātmyam | kathaṃbhūtaiḥ kavibhiḥ | visṛṣṭavisṛṣṭapeṣṭaceṣṭitaravibhiḥ visṛṣṭaḥ tiraskṛtaḥ visṛṣṭapeṣṭasya bhavanasya ceṣṭite ākāśaprakāśe raviḥ śrīsūryo yaiḥ kavibhiste tathoktāḥ | bhuvanaprakāśanasūryairityarthaḥ | tatra teṣu kaviṣu madhye tāvadanukrameṇa taruṇīlīlāvilāsasya taruṇīlīlāvilāsanāmno mahākaveḥ