Yashastilaka 7.244.1

7.244.1

yasya tattathoktam | punaḥ kathaṃbhūtaṃ balam | ātmastvāḍambaroḍḍamaramāgadhotkarṇitavadanam ātmanaḥ stavāḍambaraḥ stavanāṭopastena uḍḍamarā utkaṭā māgadhāḥ stutipāṭhakāsteṣu utkarṇitamūrdhvīkṛtaṃ vadanaṃ yena yasya vā tattathoktam | punaḥ kathaṃbhūtaṃ balam | ūrdhvanakharekhālikhitanikhiladehaprāsādam ūrdhvābhirunnatābhirnakharekhābhirālikhitaścitrito nikhilo dehaprāsādaḥ śarīramandiraṃ yasya tattathoktam | he deva, idaṃ pratyakṣībhūtaṃ dākṣiṇātyaṃ balam | punaḥ kathaṃbhūtaṃ balam | vihitavividhāyudhavartanaucityam vihitaṃ vividheṣu nānāprakāreṣu āyudheṣu śastreṣu vartanaucityaṃ asahāyayogyatā yena tattathoktam | caṇḍetyādi | dākṣiṇātyabalaṃ kathaṃbhūtam | caṇḍāṃśuraśmisaṃparkajvalatkuntāgramaṇḍalam caṇḍāṃśoḥ śrīsūryasya ye raśmayaḥ kiraṇāsteṣāṃ saṃparkeṇa sparśena jvalat jājvalyamānaṃ kuntāgramaṇḍalaṃ prāsāgraparyantavalayaṃ yasya tattathoktam | balaṃ kiṃ kurvāṇam | ambaramākāśaṃ tvatpratāpānalajvālaṃ vidadhānamiva | utprekṣālaṃkāraḥ || itaśca deva, idaṃ drāmilaṃ balaṃ paśya | kathaṃbhūtaṃ drāmilaṃ balam | paryantakharvitakuntalatayārdhamuṣṭimitamastakamadhyakeśam paryante śirodhaḥpārśve kharvitāḥ kartaritā ye kuntalāḥ paryantakharvitakuntalāsteṣāṃ bhāvastattā tayā ardhamuṣṭinā sitā māpitā mastakasya madhyakeśā yasya tattathoktam | punaḥ kathaṃbhūtaṃ balam |