Yashastilaka 7.244.2

7.244.2

atipralambaśravaṇadeśadolāyamānasphārasuvarṇakarṇikākiraṇakoṭikamanīyamukhamaṇḍalatayā kapolasthalīparikalpitapraphullakarṇikārakānanmiva atipralambaḥ atidīrghaḥ ṣoḍaśau śravaṇadeśaḥ tatra dolāyamānā pradventī sphārā pracurā yā suvarṇakarṇikā kanakavarṇabhūṣaṇaṃ tasyāḥ kiraṇakoṭibhī raśmyagraiḥ kamanīyaṃ yanmukhamaṇḍalaṃ tasya bhāvaḥ tattā tayā kapolasthalīṣu parikalpitaṃ racitaṃ praphullakarṇikārāṇāṃ parivyādhatarūṇāṃ kānanamiva | punaḥ kathaṃbhūtaṃ balam | samutkarṣitasukcibukajaḍvāgrabhāgaromalomaśam | samutkarṣitāni vṛddhiṃ prāptāni sukkāṇāṃ oṣṭhaparyantānāṃ civukānāṃ adharādharabhāgānāṃ jaṅghānāṃ jānvadhobhāgānāṃ agrabhāgeṣu romāṇi tailomaśaṃ romavyākulamityarthaḥ | punaḥ kathaṃbhūtaṃ balam | aharahaḥpramārjitadaśanaprakāśapeśalavadana- tayā pradarśitakhakīyaśaḥprasūtikṣetramiva aharahardinaṃ dinaṃ prati pramārjitā varjitā gharṣaṇamāpitā ye daśanā dantāsteṣāṃ prakāśa udyotastena peśalaṃ yadvadanaṃ tasya bhāvastattā tayā pradarśitaṃ prakaṭīkṛtaṃ svakīyasya yaśasaḥ prasūtikṣetramiva utpattisthādhikaraṇamiva | punaḥ kathaṃbhūtaṃ balam| anaṅgagrahapariveṣavartuladantakṣatakṣapitabhujaśikharam anaṅgaḥ sa eva grahastasya pariveṣo maṇḍalaṃ tadvat vartulāni yāni dantakṣatāni dantavartitapadāni taiḥ kṣapitāni bhuktāni śobhitāni bhujaśikharāṇi yasya tattathoktam | punaḥ kathaṃbhūtaṃ balam|