Yashastilaka 7.325

7.325

abhyaṅga ityādi | he rājan, abhyaṅgastailamardanaṃ śramavātahā śramaṃ khedaṃ vātaṃ hanti nirākaroti śramavātahā | punaḥ kathaṃbhūtaḥ | kāyasya balakaraḥ | punaḥ kathaṃbhūtaḥ | kāyasya dairghyā(dārḍhyo)vahaḥ śithilatvanivārakaḥ | he deva, udvartanaṃ jñānīyacūrṇena vilepanaṃ aṅgakāntikaraṇaṃ syāt | kathaṃbhūtaṃ udvartanam | medaḥkaphālasyajit medaśca vapā vasāśuddhaṃ māṃsaṃ sneha iti pāṭhataḥ, kaphaśca śleṣmā, ālasyaṃ ca anudyamaḥ, medaḥkaphālasyāni tāni jayati nirākaroti iti medaḥkaphālasyajit | he deva, jñānaṃ āyuṣyaṃ āyuṣe hitaṃ āyuṣyam | punaḥ kathaṃbhūtam | hṛdayaprasādi manasaḥ prasannatājanakaṃ kaluṣitanivāraṇam | punaḥ kathaṃbhūtam | vapuṣaḥ śarīrasya kaṇḍūkramacchedi kaṇḍūśca kharjūḥ, kramaśca glāniḥ, tau chedayatīti kaṇḍūkramacchedi | punaḥ kathaṃbhūtam | śītairaśītairjalairyathartusevitaṃ uṣṇakāle śītairjalaiḥ jñānaṃ sevyate, śītakāle varṣāsu ca uṣṇairjalaiḥ sevyate | samuccayālaṃkāraḥ ||
śramagharmārtītyādi | he deva, tava dviṣāṃ bhavataḥ śatrūṇāṃ jñānapānādanakriyāḥ santu | kriyāśabdaḥ pratyekamabhisaṃbadhyate | jñānakriyā ca pānakriyā ca adanakriyā ca jñānapānādanakriyāḥ bhavantu | kathaṃbhūtānāṃ tava dviṣām | śramagharmārtidehānāṃ śrameṇa khedena gharmaṇā uṣṇena ārtaḥ pīḍito dehaḥ śarīraṃ yeṣāṃ te śramagharmārtidehāsteṣām | punaḥ kathaṃbhūtānām | ākulendriyacetasām ākulāni vihvalībhūtāni indriyāṇi cetaśca mano yeṣāṃ te ākulendriyacetasteṣām | hetulaṃkāraḥ ||
svayamityādi | bhavet saṃjāyeta | ko'sau | patsalavatsalaḥ bhojanasnehalaḥ | kathaṃbhūtaḥ | svayaṃviratagharmāmburvyajanādinā āspheṭitaprasvedajalaḥ | punaḥ kathaṃbhūtaḥ | nidrāvidrāṇitaśramaḥ nidrayā pralīlayā vidrāṇito vināśitaḥ śramaḥ khedo yena sa tathā | sa kasmāt patsalavatsalo bhavet | śītopacāratṛcchedāt | drākṣāharītakī āmalapānakādinā vināśitatṛṣṇācchedāt | na tu pānīyapānādityarthaḥ | jātyalaṃkāraḥ ||