Yashastilaka 7.376

7.376

takṣepayantraṃ tena udastamutkṣiptaṃ yajjalaṃ tena jaḍāni ārdrāṇi yānyaṃśukāni teṣu vyaktāḥ sphuṭībhūtā nimnonnatapradeśā jaghanastanādisthānāni yāsāṃ tāstathoktāstābhiḥ | punaḥ kathaṃbhūtābhiḥ | amaryādālāpavilāsahāsollāsābhirāmābhiḥ amaryādāḥ pracurā ye ālāpāḥ parasparabhāṣaṇāni tathā amaryādā ye vilāsā locanotkṣepāstathā amaryādā ye hāsā cakāravacanāni mukhavikāsā vā teṣāmullāsaiḥ prādurbhāvairabhirāmā atimanoharā yāḥ priyatamāstābhiḥ || kathaṃbhūtaḥ sannahaṃ dharmadineṣu madhyāhnasamayānativāhyāmāsa | ityamunā prakāreṇa vaitālikālāpollāsayamānamānasaḥ vaitālikānāṃ bodhakarāṇāṃ ālāpaiḥ ullāsyamānaṃ āhlādyamānaṃ mānasaṃ yasya sa tathoktaḥ | itīti kim-vivaśā bisinītyādi | nidāghasamāgamo grīṣmakālāgamo vilāsināṃ kāmināṃ kāmaṃ yatheṣṭaṃ samadhikaratirjātaḥ samyakprakāreṇa adhikaratidāyako babhūva | kaiḥ kṛtvā nidāghasamāgamaḥ samadhikaratirjātaḥ | vivaśabisinīkandacchedaiḥ vivaśā avaśātmāno ye bisinīnāṃ kandacchedā mūlakhaṇḍāni taiḥ | uktaṃ ca-'vivaśaḥ syādavaśyātmāniṣṭapuṣṭaviniścayaḥ |' punaḥ kaiḥ kṛtvā | mṛṇālavibhūṣaṇaiḥ mṛṇālānāmutpalānāṃ vibhūṣaṇaiḥ | punaśca kaiḥ kṛtvā | aśokadaloccayaiḥ aśokapallavaśayyābhiḥ | kathaṃbhūtairaśokadaloccayaiḥ | malayajarasasyandārdraiḥ malayajarasasyandamānadravasya syandaḥ kṣavastupalakṣitā yā ārdrā jalaklinnavastraṃ tayā ārdrāḥ klinnā ye aśokadaloccayāstaiḥ | punaśca kaiḥ kṛtvā | yuvatihṛdayaiḥ vanitānāṃ hṛdayāliṅganaiḥ | kathaṃbhūtaiḥ yuvatihṛdayaiḥ | hārottārastanaiḥ hāraiḥ uttarāḥ utkṛṣṭojvalāḥ stanā yeṣu tāni tathā taiḥ | samuccayadīpakālaṃkāraḥ || bhāsvadityādi | asmin grīṣme etasmin dharmakāle deśāntaraṃ gacchan pumān mṛtiṃ paścatvaṃ gacchati | kathaṃbhūte grīṣme | bhāsvadvāḥsvati tejasvī bhāsvān śrīsūryo yasmin grīṣme sa bhāsvadvāḥsvān tasmin | punaḥ kathaṃbhūte | dāhavāhimaruti dāhavāhī