Yashastilaka 4.374.9

4.374.9

alakavallarīparimalamanorathaiḥ alakānāṃ vallaryastāsā parimalamanorathaiḥ parimardanadohadaiḥ | punaśca kābhiḥ | kapolapulakaprasādhanaprasūnāvacitibhiḥ kapoleṣu yāni pulakaprasādhanāni padyanakhapradānāni ta eva prasūnāni teṣāṃ avacitibhiḥ tuṣṭanaiḥ | na kevalametaiḥ kṛtvā udyānamanubhūya madhyāhnasamayānativāhayāmāsa | anyaiścāparaistaistaiḥ kāmukajanaprasiddhairvilāsaiḥ krīḍanaiḥ | kathaṃbhūtairanyairvilāsaiḥ | yauvanāraṇyavanadevatā sādhanavaraprasādaiḥ yauvanamevāraṇyaṃ vanaṃ veḍavanaṃ tasya saṃbandhinyo yā devatā vanitāvanayastāsāmārādhanasya varapradānairiva| kathaṃbhūto'ham | tatra yantradhārāgṛhe priyatamābhiḥ saha saṃkrīḍamānaḥ anuparīcikrīḍa : 'samo'kūjane' iti sūtreṇa rucāditvātkrīḍadhātorātmanepadam | kūjane tu ātmanepadaṃ na bhavati | yathā saṃkrīḍanti śakuntāni śabdaṃ kurvantītyarthaḥ | tatra yantradhārāgṛhe priyatamābhiḥ saha saṃkrīḍamāno ramamāṇaḥ gharmadivaseṣu madhyāhnasamayānativāhayāmāseti saṃbandhaḥ | tatra kutra punariti udyānānubhavānādanantaram | yat yantradhārāgṛhaṃ kathaṃbhūtam | samantāt sarvatra uttaralatarasaratsāraṇīsalilaseka sukumārośīra sārakaṭagarbhāvirbhavaddūrvādalaśyāmalita digvalayam utkarṣeṇa sarattarā vegatarā sarantī gacchantī yā sāraṇī jalanī(1)rustasyāḥ salilaṃ tasya sekena sevanena sukumāro'tiko malo yo'sau uśīrasārakaṭaḥ vīraṇamūlaḥ atimanoharaḥ kaṭo bhittistasya garbhe āvirbhavanti yāni dūrvādalāni śataparvāṇastṛṇāni taiḥ śyāmalitaṃ digvalayaṃ yatra yantradhārāgṛhe tattathoktam | yat yantradhārāgṛhaṃ punaḥ kathaṃbhūtam |