Bappabhatticaritra 2.1

2.1

9. atha śrībappabhaṭṭisūriprabandhaḥ
§ 35) gūrjaradeśe pām̐ḍalāpuranagare jitaśatrū rājā rājyaṃ karoti sma | tatra⁵ śrīsiddhasenanāmā
sūrīśvaro'sti sma | sa moḍherapure mahāsthāne śrīmahāvīranamaskāraṇāya gataḥ| śrīmahāvīraṃ natvā tīrthopavāsaṃ kṛtvā rātrāvātmārāmarato yoganidrayā sthitaḥ san svapnaṃ dadarśa | yathā-kesarikiśorako
devagṛhopari krīḍati | svapnaṃ labdhvā'jāgarīt | māṅgalyastavanānyapāṭhīt | prātastrailyaṃ gataḥ | tatra
ṣaḍvārṣiko bāla eko bālāṃśumālisamadyutirājagāma | sūriṇā pṛṣṭaḥ-bho arbhaka! kastvam ?
kuta āgataḥ ? | tenoktam-pañcāladeśe ḍhūṃvāudhīgrāme bappārakhyaḥ kṣatriyaḥ | tasya bhaddirnāma sadharmacāriṇī | tayoḥ ‘sūrapālo nāma putro'ham | matātasya bahavo bhujabalagarvitāḥ pracuraparicchaddhāḥ
śatravaḥ santi | tānsarvānhantumahaṃ sannahya calanāsam | pitrā niṣiddhaḥ-vatsa ! bālastvam,
nāsmai karmaṇe pragalbhase | alamudyogena | tato'haṃ kruddhaḥ | kimanena nirabhimānena pitrāpi, yaḥ
svayamarīnna hanti māmapi ghnantaṃ nivārayati | apamānena mātāpitarāvanāpṛcchyātra samāgataḥ
sūriṇā cintitam-aho divyaṃ ratnam ! | na mānavamātro'yam | ‘tejasāṃ hi na vayaḥ samīkṣyate |’
iti vimṛśya bāla ālepe-vatsaka! asmākaṃ pārśve tiṣṭha, nijagṛhādhikasukhena | bālenoktammahānprasādaḥ | svasthānamānītaḥ | saṅgho dṛṣṭastadrūpavilokanena | dṛṣṭayastṛptiṃ na ⁸manvate | pāṭhayitvā vilokitaḥ| ekāhena ślokasahasramadhyagīṣṭa | guravastutuṣuḥ⁹ | ‘ratnāni puṇyapracayaprāpyāni |’
dhanyā vayam | tena bālenāpyalpadinairlakṣaṇa-tarka-sāhityādīni bhūyāṃsi śāstrāṇi paryaśīliṣata
tato guravo ḍuṃbhāudhīgrāmaṃ jagmuḥ | bālasya pitarau vanditumāgatau | gurubhirālāpitau-putrā
bhavanti bhūyāṃso'pi | kiṃ taiḥ saṃsārāvarakakṛmibhiḥ 1 | ayaṃ tu yuvayoḥ putro vratamahite | dīyatāṃ
naḥ | gṛhyatāṃ dharmaḥ | 'naṣṭaṃ mṛtaṃ sahante hi pitaro nijatanayam |' ślāghyo'yaṃ bhavaṃ nistitīrṣuḥ
pitṛbhyāmuktam-bhagavan ! ayameka eva naḥ kulatantuḥ | kathaṃ dātuṃ śakyate ? | tāvatā savidyasthena
sūrapālena gaditam-ahaṃ cāritraṃ gṛhṇāmyeva
61. yataḥ-sā buddhivilayaṃ prayātu kuliśaṃ tatra śrute pātyatām, valgantaḥ praviśantu te hutabhuji jvālākarāle guṇāḥ
yaiḥ sarvaiḥ śaradendukundaviśadaiḥ prāptairapi prāpyate, bhūyo'pyatra purandhrirandhranarakakroḍādhivāsavyathā