Treasury of Narratives (Caturviṃśatiprabandha) 7.1

7.1

9. atha śrībappabhaṭṭisūriprabandhaḥ
§ 35) gūrjaradeśe pām̐ḍalāpuranagare jitaśatrū rājā rājyaṃ karoti sma | tatra śrīsiddhasenanāmā
sūrīśvaro'sti sma | sa moḍherapure mahāsthāne śrīmanmahāvīranamaskaraṇāya gataḥ| śrīmanmahāvīraṃ natvā tīrthopavāsaṃ kṛtvā rātrāvātmārāmarato yoganidrayā sthitaḥ san svapnaṃ dadarśa | yathā-kesarikiśorako
devagṛhopari krīḍati | svapnaṃ labdhvā'jāgarīt | māṅgalyastvanānyapāṭhīt | prātarbhaikṣyaṃ gataḥ | tatra
ṣaḍvārṣiko bāla eko bālāṃśumālisamadyutirājagāma | sūriṇā pṛṣṭaḥ-bho arbhaka ! kastvam ?
kuta āgataḥ ? | tenoktam-pañcāladeśe ḍhūṃdhāuddhīgrāme bappārakhyaḥ kṣatriyaḥ | tasya bhaṭṭirnāma sadharmacāriṇī | tayoḥ 'sūrapālo nāma putro'ham | matātasya bahavo bhujabalagarvitāḥ pracuraparicchadāḥ
śatravaḥ santi | tānsarvānhantumahaṃ sannahya calanāsam | pitrā niṣiddhaḥ-vatsa ! bālastvam,
nāsmai karmaṇe pragalbhase | alamudyogena | tato'haṃ kruddhaḥ | kimanena nirabhimānena pitrāpi, yaḥ
svayamarīnna hanti māmapi ghnantaṃ nivārayati | apamānena mātāpitarāvanāpṛcchadyātra samāgataḥ
sūriṇā cintitam-aho divyaṃ ratnam ! | na mānavamātro'yam | 'tejasāṃ hi na vayaḥ samīkṣyate |'
iti vimṛśya bāla ālepe-vatsaka ! asmākaṃ pārśve tiṣṭha, nijagṛhādhikasukhena | bālenoktammahānprasādaḥ | svasthānamānītaḥ | saṅgho dṛṣṭastadrūpavilokanena | dṛṣṭayastṛptiṃ na manyate | pāṭhayitvā vilokitaḥ| ekāhena ślokasahasramadhyagīṣṭa | guravastutuṣuḥ | 'ratnāni puṇyapracayaprāpyāni |'
dhanyā vayam | tena bālenāpyalpadinairlakṣaṇa-tarka-sāhityādīni bhūyāṃsi śāstrāṇi paryaśīliṣata
tato guravo ḍhūm̐ḍhāudhīgrāmaṃ jagmuḥ | bālasya pitarau vanditumāgatau | gurubhirālāpitau-putrā
bhavanti bhūyāṃso'pi | kiṃ taiḥ saṃsārāvakarakṛmibhiḥ¹ ? | ayaṃ tu yuvayoḥ putro vratamahite | dīyatāṃ
naḥ | gṛhyatāṃ dharmaḥ | 'naṣṭaṃ mṛtaṃ sahante hi pitaro nijatanayam |' ślāghyo'yaṃ bhavaṃ nistitīrṣuḥ
pitṛbhyāmuktam-bhagavan ! ayameka eva naḥ kulatantuḥ | kathaṃ dātuṃ śakyate ? | tāvatā savidhasthena
sūrapālena gaditam-ahaṃ cāritraṃ gṛhṇāmyeva
61. yataḥ-sā buddhivilaṃya prayātu kuliśaṃ tanna śrute pātatām, valgantaḥ praviśantu te hutasuji jvālākarāle guṇāḥ
yaiḥ sarvaiḥ śaradindukundaviśadaiḥ prāptairapi prāpyate, bhūyo'pyatra purandhrirandhranarakakroḍādhivāsavyathā