Bappabhatticaritra 2.6

2.6

abhiṣiktaḥ svarājye | śikṣitaśca prajāpālanādau | etatkṛtvā yaśovarmā arhantaṃ tridhā4 śuddhyā
śaraṇaṃ śrayan dyāṃ gataḥ | āmarājā pituraurddhadehikaṃ kṛtavān | dvijādidīnalokāya vittaṃ dattavān
lakṣadvitayamaśvānām, hastināṃ rathānāṃ ca pratyekaṃ caturdaśaśatī, ekā koṭī padātīnām| evaṃ rājyaśrīḥ
śrīāmasya nyāyaramyasya | tathāpi bappabhaṭṭimitraṃ vinā palālapūlaprāyaṃ manyate sma | tato mitrānayanāya pradhānapuruṣānapraiṣīt | taistatra gatvā vijñaptam-he śrībappabhaṭṭe ! āmarājaḥ samutkaṇṭhayā''hvayati | āgamyatām | bappabhaṭṭinā gurūṇāṃ vadanakamalamavalokitam | taiḥ saṅghānumatyā
gītārthayatibhiḥ samaṃ bappabhaṭṭimuniḥ prahitaḥ | āmasya puraṃ gopālagiriṃ prāpa | rājā sabalavāhanaḥ
saṃmukhamagāt | praveśamahamakārṣīt | saudhamānaiṣīt | avocata ca-bhagavan ! arddharājyaṃ gṛhāṇa
tenoktam-asmākaṃ nirgranthānāṃ sāvadyena rājyena kiṃ kāryam ? | yataḥ66. aneyonisampātā'nantabādhāvidhāyinī | abhimānaphalaiveyaṃ rājyaśrīḥ sā vinaśvarī