Bappabhaṭṭi's Hymns to the 24 Jinas 8.1-7

8.1-7

"-vasantatilakā
abhiṣiktaśca rājye | śikṣitaśca prajāpālanādau | etat kṛtvā yaśodharmā''rhataṃ tridhā
śuddhyā śaraṇaṃ śrayan dyāṃ gataḥ | āmo rājā pituraurdhvadehikaṃ kṛtavān, dvijātidīnalokāya vittaṃ dattavān | lakṣadvayamaśvānāṃ, hastināṃ rathānāṃ ca pratyekaṃ caturdaśaśatī, ekā koṭī
padātīnāṃ, evaṃ rājyaśrīḥ śrīāmasya nyāyārāmasya | tathā(pi) bappa(bhaṭṭi)mitraṃ vinā palālapūlaprāyaṃ manyate sma saḥ | tato mitrānayanāya pradhānapuruṣānapraiṣīt | taistatra gatvā vijñaptam
-śrībappabhaṭṭe ! āmarājaḥ samutkaṇṭhayā''hvayati, āgamyatām | bappabhaṭṭinā gurūṇāṃ vadanakamalamavalokitaṃ, taiḥ saṅghānumatyā gītārthayatibhiḥ samaṃ bappa(bhaṭṭi)muniḥ prahitaḥ, āmasya
puraṃ gopālagiriṃ prāpa | rājā sabalavāhanaḥ sammukhamagāt | praviśya(veśa ?) mahamakārṣīt,
saudhamanaiṣīt, avocat-bhagavan ! ardharājyaṃ gṛhāṇa | tenoktam-asmākaṃ nirgranthānāṃ
sāvadyena rājyena kiṃ prayojanam ? | yataḥ“anekayonisampātā-nantabādhāvidhāyinī
abhimānaphalaiveyaṃ, rājyaśrīḥ sā'pi naśvarī