Bappabhatticaritra 2.9

2.9

āmena gurūpadeśādekottaraśatahastapramāṇaḥ prāsādaḥ kārayāmāse gopagirau | aṣṭādaśabhārapramāṇaṃ śrīvarddhamānabimbaṃ tatra niveśayāṃbabhūve | pratiṣṭhā vidhāpayāṃcakre | tatra caitye mūlamaṇḍapaḥ
sapādalakṣeṇa sauvarṇaṭaṅkairniṣpanna iti vṛddhāḥ⁷ prāhuḥ | āmaḥ kuñjarārūḍhaḥ sarvarddhyā caityavandanāya
yāti | mithyādṛśāṃ dṛśau saindhaveneva⁸ pūryate samyagdṛśāṃ tvamṛteneva | evaṃ prabhāvanā | prātarnṛpo
maulamanarghyaṃ svaṃ siṃhāsanaṃ sūraye niveśāpayati | tad dṛṣṭvā vipraiḥ krudhā jvalitairbhūṣo vijñaptaḥdeva ! śvetāmbarā amī śūdrāḥ | ebhyaḥ siṃhāsanaṃ kim | athāstāṃ tat | paraṃ ⁹hrasīyo bhavatu¹⁰
muhurmuhustairitthaṃ vijñaptyā kadarthyamānaḥ pārthivo maulasiṃhāsanaṃ kośagaṃ kārayitvā'nyallaghvārūrupata | pratyūṣe sūrīndreṇa tad dṛṣṭvā ruṣṭeneva rājño'gre paṭhitam69. mardaya mānamattagajadarpa vinayaśarīravināśanasarpam | kṣīṇo darpādaśavadano'pi yasya na tulyo bhuvane ko'pi