Bappabhaṭṭi's Hymns to the 24 Jinas 8.1-10

8.1-10

”—anu0
āmena gurūpadeśādekottaraśatahastapramāṇaḥ prāsādaḥ kāritoḥ gopagirau, aṣṭādaśabhārapramāṇaṃ śrīvardhamānavimbaṃ tatra niveśayāṃbabhūva, pratiṣṭhāṃ vibhāvayāṃcakre | tatra caitye mūlamaṇḍapaḥ sapādalakṣasauvarṇaṭaṅkaikairniṣpannaḥ iti vṛddhāḥ prāhuḥ | āmaḥ kuñjarārūḍhaḥ sarvarddhyā
caityavandanāya yāti, mithyādṛśāṃ dṛśau saindhavena pūryaite, samyagdṛśāmamṛtenaiva | evaṃ prabhāvavān prātarnṛpo'mūlyamanarghyaṃ siṃhāsanaṃ sūraye niveśāpayati | tad dṛṣṭvā vipraiḥ krudhā jvaladbhiḥ
bhūpo vijñaptaḥ-deva ! śvetāmbarā amī śūdrāḥ, ebhyaḥ siṃhāsanaṃ kim? adhastāt paraṃ hasīyo
bhavatu | muhurmuhustairitthaṃ vijñaptyā kadarthyamānaḥ pārthivo mūlasiṃhāsanaṃ kośagaṃ kārayitvā'nyat laghvāropayat, pratyūṣe sūrīndreṇa dṛṣṭvā ruṣṭeneva rājño'gre paṭhitam“mardaya mānamataṅgajadarpaṃ, vinayaśarīravināśanasarpam
kṣīṇo darpād daśavadano'pi, yasya na tulyo bhuvane ko'pi