Pramanamimamsa 1.1.10

Pramāṇamīmāṃsāvṛtti 1.1.10

Language: Sanskrit

1.1.10

pramāṇam-iti lakṣyanirddeśaḥ, śeṣaṃ lakṣaṇam, prasiddhānuvādena hyaprasiddhasya vidhānaṃ lakṣaṇārthaḥ . tatra yattadavivādena pramāṇamiti dharmmi prasiddhaṃ tasya samyagarthanirṇayātmakatvaṃ dharmo vidhīyate . atra pramāṇatvāditi hetuḥ . na ca dharmmiṇo hetutvamanupapannam; bhavati hi viśeṣe dharmmiṇi tatsāmānyaṃ hetuḥ, yathā ayaṃ dhūmaḥ sāgniḥ, dhūmatvāt, pūrvopalabdhadhūmavat . na ca dṛṣṭāntamantareṇa na gamakatvam; antarvyāptyaiva sādhyasiddheḥ, sātmakaṃ jīvaccharīram, prāṇādimattvāt ityādivaditi darśayiṣyate .

Previous: 1.1.9
Next: 1.1.11
Up: 1.1

Linked texts (1)

Pramāṇamīmāṃsā — Hemacandra, Sanskrit