Pramanamimamsa 1.1.112

Pramāṇamīmāṃsāvṛtti 1.1.112

Language: Sanskrit

1.1.112

naiyāyikāstu--indriyārthasannikarṣotpannaṃ jñānamavyapadeśyamavyabhicāri vyavasāyātmakaṃ pratyakṣam nyā॰ 1.1. 4. iti pratyakṣalakṣaṇamācakṣate . atra ca pūrvācāryakṛtavyākhyāvaimukhyena saṅkhyāvadbhistrilocanavācaspatipramukhairayamarthaḥ samarthito yathā--indriyārthasannikarṣotpannaṃ jñānamavyabhicāri pratyakṣamityeva pratyakṣalakṣaṇam . yataḥśabdādhyāhāreṇa ca yattadornityābhisambandhāduktaviśeṣaṇaviśiṣṭaṃ jñānaṃ yato bhavati tat tathāvidhajñānasādhanaṃ jñānarūpamajñānarūpaṃ vā pratyakṣaṃ pramāṇamiti . asya ca phalabhūtasya jñānasya dvayī gatiravikalpaṃ savikalpaṃ ca . tayorubhayorapi pramāṇarūpatvamabhidhātuṃ vibhāgavacanametad avyapadeśyaṃ vyavasāyātmakam iti .

Previous: 1.1.111
Next: 1.1.113
Up: 1.1

Linked texts (1)

Pramāṇamīmāṃsā — Hemacandra, Sanskrit