Pramanamimamsa 1.1.115

Pramāṇamīmāṃsāvṛtti 1.1.115

Language: Sanskrit

1.1.115

saugatāstu pratyakṣaṃ kalpanāpoḍhamabhrāntam nyāyabi॰ 1. 4 iti lakṣaṇamavocan . abhilāpasaṃsargayogyapratibhāsā pratītiḥ kalpanātayā rahitam--nyāyabi॰ 1. 5, 6 kalpanāpoḍham iti . etacca vyavahārānupayogitvātpramāṇasya lakṣaṇamanupapannam, tathāhi etasmādviniścityārthamarthakriyārthinastatsamarthe'rthe pravartamānā visaṃvādabhājo mā bhūvanniti pramāṇasya lakṣaṇaparīkṣāyāṃ pravartante parīkṣakāḥ . vyavahārānupayoginaśca tasya vāyasasadasaddaśanaparīkṣāyāmiva niṣphalaḥ pariśramaḥ . nirvikalpottarakālabhāvinaḥ savikalpakāttu vyavahāropagame varaṃ tasyaiva prāmāṇyamāstheyam, kimavikalpakena śikhaṇḍineti ? .

Previous: 1.1.114
Next: 1.1.116
Up: 1.1

Linked texts (1)

Pramāṇamīmāṃsā — Hemacandra, Sanskrit