Pramanamimamsa 1.1.123

Pramāṇamīmāṃsāvṛtti 1.1.123

Language: Sanskrit

1.1.123

pratyakṣasya prakṛtatvāttasyaiva viṣayādau lakṣayitavye pramāṇasya iti pramāṇasāmānyagrahaṇaṃ pratyakṣavat pramāṇāntarāṇāmapi viṣayādilakṣaṇamihaiva vaktuṃ yuktamaviśeṣāttathā ca lāghavamapi bhavatītyevamartham . jātinirdeśācca pramāṇānāṃ pratyakṣādīnāṃ viṣayaḥ gocaro dravyaparyāyātmakaṃ vastu . dravati tāṃstān paryāyān gacchati iti dravyaṃ dhrauvyalakṣaṇam . pūrvottaravivarttavarttyanvayapratyayasamadhigamyamūrdhvatāsāmānyamiti yāvat . pariyantyutpādavināśadharmmāṇo bhavantīti paryāyā vivarttāḥ . tacca te cātmā svarūpaṃ yasya tat dravyaparyāyātmakaṃ vastu, paramārthasadityarthaḥ, yadvācakamukhyaḥ--utpādavyayadhrauvyayuktaṃ sad tattvā॰ 5. 29 iti, pāramarṣamapi upannei vā vigamei vā dhuvei vā iti .

Previous: 1.1.122
Next: 1.1.124
Up: 1.1

Linked texts (1)

Pramāṇamīmāṃsā — Hemacandra, Sanskrit