Pramanamimamsa 1.1.44

Pramāṇamīmāṃsāvṛtti 1.1.44

Language: Sanskrit

1.1.44

nanu bhāvāṃśādabhāvāṃśasyābhede kathaṃ pratyakṣeṇāgrahaṇam ?, bhede vā ghaṭādyabhāvarahitaṃ bhūtalaṃ pratyakṣeṇa gṛhyata iti ghaṭādayo gṛhyanta iti prāptam, tadabhāvāgrahaṇasya tadbhāvagrahaṇanāntarīyakatvāt . tathā cābhāvapramāṇamapi paścātpravṛttaṃ na tānutsārayituṃ paṭiṣṭhaṃ syāt, anyathā'saṅkīrṇasya saṅkīrṇatāgrahaṇāt pratyakṣaṃ bhrāntaṃ syāt .

Previous: 1.1.43
Next: 1.1.45
Up: 1.1

Linked texts (1)

Pramāṇamīmāṃsā — Hemacandra, Sanskrit