Pramanamimamsa 1.1.56

Pramāṇamīmāṃsāvṛtti 1.1.56

Language: Sanskrit

1.1.56

athāvaraṇīyatatpratipakṣābhyāmātmā vikriyeta na vā ? . kiṃ cātaḥ ? . varṣātapābhyāṃ kiṃ vyomnaścarmaṇyasti tayoḥ phalam . carmopamaścet so'nityaḥ khatulyaścedasatphalaḥ .. iti cet; na; asya dūṣaṇasya kūṭasthanityatāpakṣa eva sambhavāt, pariṇāminityaścātmeti tasya pūrvāparaparyāyotpādavināśasahitānuvṛttirūpatvāt, ekāntanityakṣaṇikapakṣayoḥ sarvathārthakriyāvirahāt, yadāha-arthakriyā na yujyeta nityakṣaṇikapakṣayoḥ . kramākramābhyāṃ bhāvānāṃ sā lakṣaṇatayā matā .. laghī॰ 2. 1 iti .. 15 ..

Previous: 1.1.55
Next: 1.1.57
Up: 1.1

Linked texts (1)

Pramāṇamīmāṃsā — Hemacandra, Sanskrit