Pramanamimamsa 1.1.64

Pramāṇamīmāṃsāvṛtti 1.1.64

Language: Sanskrit

1.1.64

atha na pravartamānaṃ pratyakṣaṃ tadbādhakaṃ kintu nivartamānam tat; tarhiyadi niyatadeśakālaviṣayatvena bādhakaṃ tarhi sampratipadyāmahe . atha sakaladeśakālaviṣayatvena; tarhi na tat sakaladeśakālapuruṣapariṣatsākṣātkāramantareṇa sambhavatīti siddhaṃ naḥ samīhitam . na ca jaiminiranyo vā sakaladeśādisākṣātkārī sambhavati sattvapuruṣatvādeḥ rathyāpuruṣavat . atha prajñāyāḥ sātiśayatvāttatprakarṣo'pyanumīyate; tarhi tata eva sakalārthadarśī kiṃ nānumīyate ? . svapakṣe cānupalambhamapramāṇayan sarvajñābhāve kutaḥ pramāṇayedaviśeṣāt ? .

Previous: 1.1.63
Next: 1.1.65
Up: 1.1

Linked texts (1)

Pramāṇamīmāṃsā — Hemacandra, Sanskrit