Pramanamimamsa 1.1.99

Pramāṇamīmāṃsāvṛtti 1.1.99

Language: Sanskrit

1.1.99

nanvarthājanyatvejñānasya kathaṃ pratikarmavyavasthā ?, tadutpattitadākāratābhyāṃ hi sopapadyate, tasmādanutpannasyātadākārasya ca jñānasya sarvārthān pratyaviśeṣāt; naivam; tadutpattimantareṇāpyāvaraṇakṣayopaśamalakṣaṇayā yogyatayaiva pratiniyatārthaprakāśakatvopapatteḥ . tadutpattāvapi ca yogyatāvaśyāśrayaṇīyā, anyathā'śeṣārthasānnidhye'pi kutaścidevārthāt kasyacideva jñānasya janmeti kautaskuto'yaṃ vibhāgaḥ . tadākāratā tvarthākārasaṅkrāntyā tāvadanupapannā, arthasya nirākāratvaprasaṅgāt . arthena ca mūrtenāmūrtasya jñānasya kīdṛśaṃ sādṛśyamityarthaviśeṣagrahaṇapariṇāma eva sābhyupeyā . ataḥ-arthena ghaṭayatyenāṃ nahi muktvā'rtharūpatām pramāṇa vā॰ 3. 305 iti yatkiñcidetat .

Previous: 1.1.98
Next: 1.1.100
Up: 1.1

Linked texts (1)

Pramāṇamīmāṃsā — Hemacandra, Sanskrit