Pramanamimamsa 1.2.69

Pramāṇamīmāṃsāvṛtti 1.2.69

Language: Sanskrit

1.2.69

pratyakṣādīni tadviruddhārthopasthāpanena bādhakatvāt bādhāḥ . tatra pratyakṣabādhā yathā anuṣṇo'gniḥ, na madhu madhuram, na sugandhi vidalanmālatīmukulam, acākṣuṣo ghaṭaḥ, aśrāvaṇaḥ śabdaḥ, nāsti bahirartha ityādi . anumānabādhā yathā saroma hastatalam, nityaḥ śabda iti vā . atrānupalambhena kṛtakatvena cānumānabādhā . āgamabādhā yathā pretyā'sukhaprado dharma iti . paraloke sukhapradatvaṃ dharmasya sarvāgamasiddham . lokabādhā yathā śuci naraśiraḥkapālamiti . loke hi naraśiraḥkapālādīnāmaśucitvaṃ suprasiddham . svavacanabādhā yathā mātā me vandhyeti . pratītibādhā yathā acandraḥ śaśīti . atra śaśinaścandraśabdavācyatvaṃ pratītisiddhamiti pratītibādhā .. 14 ..

Previous: 1.2.68
Next: 1.2.70
Up: 1.2

Linked texts (1)

Pramāṇamīmāṃsā — Hemacandra, Sanskrit