Pramanamimamsa 1.2.7

Pramāṇamīmāṃsāvṛtti 1.2.7

Language: Sanskrit

1.2.7

vāsanā saṃskārastasyāḥ udbodhaḥ prabodhastaddhetukā tannibandhanā, kālamasaṃkhaṃ saṃkhaṃ ca dhāraṇā hoi nāyavvā viśeṣā॰ gā॰ 333 iti vacanāccirakālasthāyinyapi vāsanā'nudbuddhā na smṛtihetuḥ, āvaraṇakṣayopaśamasadṛśadarśanādisāmagrīlabdhaprabodhā tu smṛtiṃ janayatīti vāsanodbodhahetukā ityuktam . asyā ullekhamāha tadityākārā sāmānyoktau napuṃsakanirdeśastena sa ghaṭaḥ, sā paṭī, tat kuṇḍalamityullekhavatī matiḥ smṛtiḥ .

Previous: 1.2.6
Next: 1.2.8
Up: 1.2

Linked texts (1)

Pramāṇamīmāṃsā — Hemacandra, Sanskrit