Pramanamimamsa 1.2.79

Pramāṇamīmāṃsāvṛtti 1.2.79

Language: Sanskrit

1.2.79

naivam, mānasapratyakṣe bhāvarūpasyaiva dharmiṇaḥ pratipannatvāt . na ca tatsiddhau tatsattvasyāpi pratipannatvād vyarthamanumānam, tadabhyupetamapi vaiyātyādyo na pratipadyate taṃ pratyanumānasya sāphalyāt . na ca mānasajñānāt kharaviṣāṇāderapi sadbhāvasambhāvanāto'tiprasaṅgaḥ, tajjñānasya bādhakapratyayaviplāvitasattākavastuviṣayatayā mānasapratyakṣābhāsatvāt . kathaṃ tarhi ṣaṣṭhabhūtāderdharmitvamiti cet; dharmiprayogakāle bādhakapratyayānudayātsattvasambhāvanopapatteḥ . na ca sarvajñādau sādhakapramāṇāsattvena sattvasaṃśītiḥ, suniścitā'sambhavadbādhakapramāṇatvena sukhādāviva sattvaniścayāttatra saṃśayāyogāt .

Previous: 1.2.78
Next: 1.2.80
Up: 1.2

Linked texts (1)

Pramāṇamīmāṃsā — Hemacandra, Sanskrit