Pramanamimamsa 1.2.88

Pramāṇamīmāṃsāvṛtti 1.2.88

Language: Sanskrit

1.2.88

nanu yadi dṛṣṭānto'numānāṅgaṃ na bhavati tarhi kimarthaṃ lakṣyate ? . ucyate . parārthānumāne bodhyānurodhādāpavādikasyodāharaṇasyānujñāsyamānatvāt . tasya ca dṛṣṭāntābhidhānarūpatvādupapannaṃ dṛṣṭāntasya lakṣaṇam . pramāturapi kasyacit dṛṣṭāntadṛṣṭabahirvyāptibalenāntarvyāptipratipattirbhavatīti svārthānumānaparvaṇyapi dṛṣṭāntalakṣaṇaṃ nānupapannam .. 20 ..

Previous: 1.2.87
Next: 1.2.89
Up: 1.2

Linked texts (1)

Pramāṇamīmāṃsā — Hemacandra, Sanskrit