Pramanamimamsa 2.1.10

Pramāṇamīmāṃsāvṛtti 2.1.10

Language: Sanskrit

2.1.10

na anayoḥtathopapattyanyathānupapattirūpayoḥ prayogaprakārayoḥ tātparye yatparaḥ śabdaḥ sa śabdārthaḥ ityevaṃlakṣaṇe tatparatve, bhedaḥ viśeṣaḥ . etaduktaṃ bhavati anyadabhidheyaṃ śabdasyānyatprakāśyaṃ prayojanam . tatrābhidheyāpekṣayā vācakatvaṃ bhidyate, prakāśyaṃ tvabhinnam, anvaye kathite vyatirekagatirvyatireke cānvayagatirityubhayatrāpi sādhanasya sādhyāvinābhāvaḥ prakāśyate . na ca yatrābhidheyabhedastatra tātparyabhedo'pi . nahi pīno devadatto divā na bhuṅkte, pīno devadatto rātrau bhuṅkte ityanayorvākyayorabhidheyabhedo'stīti tātparyeṇāpi bhettavyamiti bhāvaḥ .. 5 ..

Previous: 2.1.9
Next: 2.1.11
Up: 2.1

Linked texts (1)

Pramāṇamīmāṃsā — Hemacandra, Sanskrit