Pramanamimamsa 2.1.17

Pramāṇamīmāṃsāvṛtti 2.1.17

Language: Sanskrit

2.1.17

yat kṛtakaṃ tat sarvamanityaṃ yathā ghaṭaḥ, kṛtakaśca śabda iti vacanamarthasāmarthyenaivāpekṣitaśabdānityatvaniścāyakamityavadhānamatreti cet; na, parasparāśrayāt . avadhāne hi satyato'rthaniścayaḥ, tasmāccāvadhānamiti . na ca parṣatprativādinau pramāṇīkṛtavādinau yadetadvacanasambandhāya prayatiṣyete . tathāsati na hetvādyapekṣeyātām, tadavacanādeva tadarthaniścayāt . anityaḥ śabda iti tvapekṣite ukte kuta ityāśaṅkāyāṃ kṛtakatvasya tathaivopapatteḥ kṛtakatvasyānyathānupapattervetyupatiṣṭhate, tadidaṃ viṣayopadarśanārthatvaṃ pratijñāyā iti .. 7 ..

Previous: 2.1.16
Next: 2.1.18
Up: 2.1

Linked texts (1)

Pramāṇamīmāṃsā — Hemacandra, Sanskrit