Pramanamimamsa 2.1.36

Pramāṇamīmāṃsāvṛtti 2.1.36

Language: Sanskrit

2.1.36

iha śāstre yeṣāṃ lakṣaṇamuktaṃ te tallakṣaṇābhāve tadābhāsāḥ suprasiddhā eva . yathā pramāṇasāmānyalakṣaṇābhāve saṃśayaviparyayānadhyavasāyāḥ pramāṇābhāsāḥ, saṃśayādilakṣaṇābhāve saṃśayādyābhāsāḥ, pratyakṣalakṣaṇābhāve pratyakṣābhāsam, parokṣāntargatānāṃ smṛtyādīnāṃ svasvalakṣaṇābhāve tattadābhāsatetyādi . evaṃ hetūnāmapi svalakṣaṇābhāve hetvābhāsatā sujñānaiva . kevalaṃ hetvābhāsānāṃ saṅkhyāniyamaḥ prativyaktiniyataṃ lakṣaṇaṃ ca neṣatkarapratipattīti tallakṣaṇārthamāha--

Previous: 2.1.35
Next: 2.1.37
Up: 2.1

Linked texts (1)

Pramāṇamīmāṃsā — Hemacandra, Sanskrit