Pramanamimamsa 2.1.56

Pramāṇamīmāṃsāvṛtti 2.1.56

Language: Sanskrit

2.1.56

nityaḥ śabdaḥ amūrttatvādityasminneva prayoge paramāṇukarmākāśāḥ sādhyasādhanobhayāvyatirekiṇo dṛṣṭāntābhāsā bhavanti . yannityaṃ na bhavati tadamūrtamapi na bhavati yathā paramāṇuriti sādhyāvyatirekī, nityatvāt paramāṇūnām . yathā karmeti sādhanāvyāvṛttaḥ, amūrtatvāt karmaṇaḥ . yathākāśamityubhayāvyāvṛttaḥ, nityatvādamūrttatvāccākāśasyeti traya eva vaidharmyadṛṣṭāntābhāsāḥ .. 24 ..

Previous: 2.1.55
Next: 2.1.57
Up: 2.1

Linked texts (1)

Pramāṇamīmāṃsā — Hemacandra, Sanskrit