Pavayanasaruddhara v2.p44

v2.p44

isī viṣaya ko lekara samabhirur̤ha naya śabdanaya ko kahatā hai ki he śabdanaya ! yadi tuma liṃgabheda va vacanabheda ke kāraṇa eka hī śabda kā artha bhinna mānate ho to paryāyaśabdoṃ kā arthabheda kyoṃ nahīṃ mānate? kyoṃki ve paraspara bhinna arthavāle haiṃ| isase siddha hotā hai ki paryāyaśabda ekārthaka nahīṃ hai|
7. evaṃbhūtanaya-evaṃ = isa prakāra, bhūta: = prāpta arthāt yaha naya pūrva naya kī apekṣā adhika gaharāī se vicāra karatā hai ki yadi vyutpatti bheda se arthabheda mānā jātā hai to yaha bhī mānanā cāhiye ki śabda kā vyutpattisiddha artha jaba padārtha meṃ ghaṭita hotā hai tabhī vaha śabda kā vācya banatā hai tathā usa śabda ke dvārā usa artha kā pratipādana hotā hai aisā mānane vālā naya evaṃbhūta naya hai | isake anusāra kisī samaya nārī ke mastaka para ārūr̤ha hokara jalāharaṇādi rūpa ceṣṭā karane kī yogyatā dhāraṇa karane vālā artha “ghaṭa” nahīṃ kahalātā parantu vāstava meṃ ghaṭa vahī kahalātā hai jo isa samaya nārī ke mastaka para ārūr̤ha hokara jalāharaṇādi kriyā kara rahā ho| ghaṭa kā vyutpattisiddha artha 'ghaṭanāt ghaṭa:' arthāt nārī ke mastaka para ārūr̤ha ghaṭa kī jalāharaṇādi kriyā hai| jisa padārtha meṃ yaha kriyā dikhāī de rahī ho vahī ghaṭa hai| evaṃbhūta naya usī padārtha ko ghaṭa mānatā hai jisameṃ ghaṭa śabda kī vyutpatti ghaṭita ho rahī ho śeṣa ghar̤oṃ ko vaha ghaṭa mānane ko taiyāra nahīṃ hai kyoṃki ve ghaṭaśabda ke vyutpattisiddha artha se śūnya hai jaise paṭa | tathā ghaṭa śabda bhī vāstava meṃ vahī hai jo ceṣṭāvān artha kā pratipādana karatā ho anyathā nahīṃ (vācyārtha se śūnya hone ke kāraṇa)| isa prakāra evaṃbhūtanaya kā mānanā hai ki kisī vastu ke liye kisī śabda kā prayoga karanā tabhī ṭhīka hogā jabaki usameṃ śabda kā vyutpattisiddha artha bhī ghaṭita ho rahā ho| isake anusāra daśavidha prāṇoṃ ko dhāraṇa karane vāle nāraka, tiryañca ādi rūpa sāṃsārika prāṇī hī jīva kahalāte haiṃ, 'siddhātmā' nahīṃ, kāraṇa jīvati-prāṇān dhārayati arthāt jo jītā hai—daśavidha prāṇoṃ ko dhāraṇa karatā hai vaha jīva hai yaha vyutpattisiddha artha 'siddhātmā' meṃ nahīṃ ghaṭatā | 'siddhoṃ' ke liye ātmā śabda kā prayoga hotā hai kyoṃki usakā vyutpattisiddha artha unameṃ ghaṭita hotā hai| jaise jñāna, darśana va sukhādi paryāya meṃ satata ramaṇa karane vālā ātmā hai aura ātmā śabda kā yaha vyutpattinimitta 'siddhātmā' meṃ ghaṭita hotā hai ||847|| . nayoṃ ke prabheda
. naigama ādi ke bheda se mūlanaya sāta haiṃ| inameṃ se pratyeka kī prabheda saṃkhyā sau.sau hai ata:
sabhī nayoṃ kī kula prabheda saṃkhyā sāta sau hai| matāntara se
• naigama ādi ke bheda se malanaya pām̐ca haiṃ, kāraṇa śabda. samabhirūḍha va evaṃbhata ye tīnoṃ hī naya
śabdaparaka hone se eka haiṃ| pām̐coṃ hī mūlanaya ke sau...sau prabheda hone se nayoṃ ke kula pām̐ca sau bheda hue| 'api' śabda nayoṃ ke anyabhedoṃ kā bhī sūcaka hai| nayoṃ ke kramaśa: cha: sau,
cāra sau tathā do sau bheda haiṃ| sāmānyagrāhī naigama kā saṃgraha meṃ tathā viśeṣagrāhī naigama kā vyavahāra meṃ antarbhāva hone se mūlanaya cha: hī hai| pratyeka ke prabheda sau...sau haiṃ ata: kula naya cha: sau hue|