Bappabhaṭṭi's Hymns to the 24 Jinas 12.2

12.2

"-anu0
iti vacanāt | visṛṣṭo'gniḥ | jīvito rājā | tuṣṭo lokaḥ | prītaḥ sūriḥ
samayāntare vākpatirājo mathurāṃ yayau | tatra śrīpādastridaṇḍī jajñe, sa tallokādavagamya āmaḥ sūrīn babhāṣe-bhavadbhīrahamapi śrāvakaḥ kṛtaḥ | divyā vāṇī vaḥ prasannaiva
jānāmi vaḥ śaktiṃ pareṣāṃ(ramāṃ?) yadi vākpatimapi ārhatīṃ dīkṣāṃ grāhayathāḥ| ācāryaiḥ pratijñā cakre-tadā me vidyā pramāṇaṃ yadi vākpatiṃ svaśiṣyaṃ śvetāmbaraṃ kurve | vākpatistu kāstītyucyatām , rājñoktam-mathurāyāṃ vidyate | sūrayo mathurāyāṃ gatā bahubhiḥ śrīāmāptanaraiḥ saha, varāhamihirākhye prāsāde dhyānasthaṃ vākpatimadrākṣuḥ | gatvā tatpṛṣṭhasthaiḥ sūribhiḥ
bhūrikhareṇa āśīrvādāḥ paṭhitumārebhire“sandhyāṃ yat praṇipatya lokapurato baddhāñjaliryācase
dhatse yacca nadīṃ vilajja ! śirasā taccāpi soḍhaṃ mayā
śrīrjāto'mbudhimanthane yadi hareḥ kasmād viṣaṃ bhakṣitaṃ ?
mā strīlampaṭa ! mā spṛśetyabhihito gauryā haraḥ pātu vaḥ ||1||-śārdūla0
ekaṃ dhyānanimīlanānmukulitaṃ cakṣurdvitīyaṃ punaḥ
pārvatyā vipule nitambaphalake śṛṅgārabhārālasam
anyad dūravikṛṣṭakāmadahanakrodhāmaloddīpitāṃ
śambhorbhinnarasaṃ samādhisamaye netratrayaṃ pātu vaḥ