Bappabhaṭṭi's Hymns to the 24 Jinas 12.1

12.1

"
prātaramūni padyāni svayaṃ āmo dadarśa, varṇān kavitvagatiṃ copalakṣayāmāsa | aho !
gurūṇāṃ mayi kṛpā | aho mama pāpābhimukhateti lalajja, dadhyau ca sāṃkalpikaṃ mada(ha)jjanaṃgamīsaṃgamāspadaṃ pāpaṃ mayā''caritam | bhārito'haṃ, kva yāmi ? karomi kiṃ ? kathaṃ gurormukhaṃ
darśayāmi ? kiṃ kiṃ tapaḥ samācarāmi ? kiṃ tīrthaṃ seve ? ūrdhvamukhaṃ gṛhītvā gacchāmi, śastreṇātmānaṃ ghātayāmi| evaṃ plū(ṭla?)valāyamāno'nucarānādideśa-agniṃ praguṇayata | praguṇitastairagniḥ | samāgatāḥ śrībappabhaṭṭisūrayaḥ | militaṃ cāturvarṇyam, uktaṃ tadagham | yāvat sahasā
kṛśānuṃ praviśatyāmastāvad bāhū dhṛtvā sūribhiruktaḥ-rājan ! śuddho'si, mā sma khidyethāḥ
tvayā hi saṃkalpamātreṇa tat pāpaṃ kṛtaṃ na sākṣāt, saṃkalpenāgnimapi praviṣṭo'si, ciraṃ dharmaṃ kuru
“manasā mānasaṃ karma, vacasā vācikaṃ tathā
kāyena kāyikaṃ karma, nistaranti manīṣiṇaḥ