Bappabhaṭṭi's Hymns to the 24 Jinas 8.1-8

8.1-8

”-anu0
tato rājā'sau tuṅgagṛhe sthāpitaḥ | prātaḥ samāgatāya bappabhaṭṭaye nṛpeṇa siṃhāsanaṃ
maṇḍāpitam | tena gaditam-urvīpate ! ācāryapadaṃ vinā siṃhāsanaṃ na yuktam | gurvāśātanā bhavet | tato rājñā bappabhaṭṭiḥ pradhānasacivaiḥ saha gurvantike prahitaḥ, vijñaptikā ca
dattā-yadi prāṇaiḥ kāryaṃ tadā prasahya sadyo'yaṃ maharṣiḥ sūripade sthāpyaḥ, (yataḥ) “yogyaṃ sutaṃ
ca śiṣyaṃ ca, nayanti guravaḥ śriyam”, sthāpitamātraścātra śīghraṃ preṣaṇīyaḥ, anyathā'haṃ
na bhavāmi, mā vilambatām | akhaṇḍaprayāṇakairmoḍherakaṃ prāptaḥ | prabho ! rājño vijñaptyarthā
anusāryāḥ, ucitajñā hi bhavādṛśāḥ
atha śrīsiddhasenācāryairbappabhaṭṭiḥ sūripade sthāpitaḥ | tadaṅge śrīḥ sākṣādiva saṅkrāmantī dṛṣṭā | rahasi śikṣā dattā-vatsa ! tava rājasatkāro bhṛśaṃ bhāvī | tataśca lakṣmīḥ
pravartsyati | tatra indriyajayo duṣkaraḥ | tvaṃ brahmacārī mahān bhaveḥ | “vikārahetau sati
vikriyante, yeṣāṃ na cetāṃsi ta eva dhīrāḥ ” anena mahāvratena mahattaraḥ sphuriṣyasi'
“ekādaśe'dhike tatra, jāte varṣaśatāṣṭake
vikramākhye'bhavat sūriḥ, kṛṣṇacaitrāṣṭamīdine