Kalpah 2.2.17.11

2.2.17.11

athāto'nugrahān vyākhyāsyāmaḥ 210 samastahomo baudhāyanavat 211 yadyuttarāraṇī samārūḍho jīyadbhidyed duṣyennaśyedvā adharāraṇī āhṛtyeti vijñāyate 212 yadyadharāraṇyasamārūḍhā jīryedbhidyed duṣyennaśyedvā śakalīkṛtya gārhapatye prakṣipya prajvālyādatte dakṣiṇenottarāraṇim̐ savyenādharāraṇim
uttiṣṭhāgne praviśa yonimetāṃ devayajyāyai tvā voḍhave jātavedāḥ .
araṇyoraraṇī anusaṃkramasva jīrṇāṃ tanumajīrṇayā nirṇudasva ..
iti 213 athainam̐ svena mantreṇa sve yonau samāropya mathitvāgnīn vihṛtya juhuyāt 214 pūrvavadvihṛtya pūrvavajjuhotītyālekhanaḥ 215 atikkrānteṣu homeṣu baudhāyanavat 216 cāturmāsyaiḥ pañcadaśāhāni yakṣyamāṇaḥ pratipadi vaiśvānarapārjanyau . dvitīye vaiśvadevam .tṛtīye caturthe pañcame coparamya ṣaṣṭhe varuṇapraghāsāḥ . saptame'ṣṭame navame coparamya daśama ekādaśe ca sākamedhāḥ . dvādaśe trayodaśe coparamya caturdaśe śunāsīrīyaṃ pañcadaśe paśuriti 217 dvādaśāhāni yakṣyamāṇaḥ pratipadi vaiśvānarapārjanyau . dvitīye vaiśvadevam . tṛtīye caturthe coparamya pañcame varuṇapraghāsāḥ . ṣaṣṭhe saptame coparamyāṣṭame navame ca sākamedhāḥ . daśama ekādaśe coparamya dvādaśe śunāsīrīyam . trayodaśe paśuriti . saṃvatsarapratimā vai dvādaśa rātrayaḥ saṃvatsarameva yajata iti vijñāyate 218 sarpirvā madhvalābha ityādi 219 kuśā barhirartha ityādi 220 khādirabilvapālāśānāmidhmadārūṇītyādi 221 ājyālābha ājamāvikaṃ māhiṣaṃ vā ghṛtamājyārtha ā!di 222
iti bhāradvājapariśeṣasūtram