Kalpah 2.2.17.3

2.2.17.3

athākṣarāntāḥ 56 yājyānte syurvisarjanīyāstadevāvikṛtaṃ plāvayitvā vaṣaṭkuryādanyatra sarephādagrebhyaḥ 57 athāgnīn jvalato nāparyet 58 atha cāturmāsyānāṃ maheṣṭiṣvaparo gārhapatyo darśapūrṇamāsaprakṛtitvāt 59 yasyāṃ vedyāmagniḥ praṇīyate sā pāśukyākṛtiḥ . pañcāratnirbhavati 60 ubhayārthā some'nyatrābhicaraṇikebhyaḥ 61 deśedeśe kāmāḥ 62 pañcagṛhītaṃ paśukāmasya 63 na kratukāmā bhavanti 64 mantravyavāye mantrābhyāso dra vyapṛthaktve-'rthapṛthaktve deśapṛthaktve ca 65 yathā kaṇḍūyanasvapnanadītaraṇāvavarṣaṇā-medhyapratimantraṇānīti 66 samānajātīyeṣu bahuvanmantrānnamet . yathā grahe pratigrahe 67 mantravirodhe saṃnamayet . saṃnamanavirodhe mantralopaḥ 68 yadi dīkṣitasyāśru patet tadanumantrayeta kṛpā āpaḥ stha svāhākṛtāḥ pṛthivīmāviśata iti . sudā iti snuhānam . bībhatsā iti svedam . tapasyā iti svedam . kravyā iti lohitam . am̐ homuca iti mūtrapurīṣe . retaḥsica iti retaḥ . āpaḥ stha sarvatrānuṣajati 69 dvādaśāhaṃ dakṣiṇārthaṃ bhikṣeta . dra vyāsaṃbhave bhūyastadarthatvāt 70 adbhyaḥ pavate'po'bhipavate ityaharahaḥ prasthito japati 71 ata ūrdhvaṃ yājamānaṃ yathāsamāmnātam 72 vājapeyam̐ sāgnikameke samāmananti . vasanta eke 73 yatra kva caikāhe sāgnike ṣaḍupasadaḥ tisra eke samāmananti 74 tr! yupasatke madhyamāyāmupasadyagniṃ cinvīta prakṛtyupabandhāt 75 upari-ṣṭādvidhānāni na kālākāṅkṣīṇi bhavanti 76 athānyānṛtvijo vṛtvā pṛṣṭhaśamanīyena yajante 77 pradhānaṃ paśau paśvāhutiḥ some somāhutayaḥ . tada-ṅgamitare homāḥ 78 vyākhyātā darśapūrṇamāsayorijyā kālāśca 79 paśā-vaviśeṣe'jaḥ 80 vaśā vehadgauriti liṅgairniyamyate 81 ajā avayo gāva ityanyonyasya pratinidhayo bhavanti 82 sthānasamāmnānasamākhyānasamavāye sthānaṃ balīya iṣyate . yathā śuddhavālaḥ sarvaśuddhavālo maṇivāla iti 83 vākyaśeṣāśca tadvat 84 kṛtsnapradhānaḥ paratantravyavete ca . tataḥ pradhānāntaḥ 85