Kalpah 2.2.17.6

2.2.17.6

yadi yajamānā na saheyurbhūyo'nvāvapeta bhūyo bhakṣān kuryāt 135 yada-nyacchakalebhyastatsarvamiḍāmavadyati . na prāśitraṃ na yajamānabhāgam 136 savanīyaireva parapradhāneṣu vyākhyātam 137 yadi pracaraṇīyo mahāvīro vyāpadyeta itarayoranyatareṇa pracaret 138 ayūpe kratau vanaspatiṃ nāvāhayenna juhuyā-dityāśmarathyaḥ . āvāhayejjuhuyādityālekhanaḥ 139 ekāhānāmaviśeṣeṇa dvādaśaśataṃ dakṣiṇāḥ 140 saptaguḥ somaḥ . ṣoḍaśakalaḥ paśuḥ . kalābhirvā saṃkhyāṃ pūrayet 141 sarvasam̐ sthānāmaviśeṣeṇa kratupaśava aikādaśināśca vikalpanta ityāśmarathyaḥ . paśvalābha aikādaśinānāmekamupākarotītyā-lekhanaḥ 142 yūpaikādaśinyāmeva tvāṣṭra ityāśmarathyaḥ . yatra kva caikādaśa paśavaḥ kuryādeva tvāṣṭramityālekhanaḥ 143 barhirmuṣṭiṃ prayachan stotramupākaroti . barhiṣī ityeke 144 yajñasya saṃtatirasi yajñasya tvā saṃtatyai stṛṇāmi saṃtatyai tvā yajñasya iti pṛṣṭhyāstaraṇamantraḥ 145 uttareṇa havirdhāne uttareṇāgnīdhramuttareṇa sadaḥ prāgvam̐ śasya saṃcaraḥ sadaso havirdhānasya ca 146 antarāṇi yajñāṅgāni bāhyā ṛtvijaḥ . patnīyajamānāvṛtvigbhyo'ntaratarau . yathākarma ṛtvijaḥ . ṛtvigbhyo yajñāṅgāni . yajñāṅgebhya ājyāni . ājyebhyo havī m̐! ṣi . havirbhyaḥ somaḥ . somādagnayaḥ 147 na vihārādapaparyāvarteta . pratyaṅ gachan dakṣiṇamam̐ samāvartayet prāṅ gachan savyam 148 pañca havirākārā ājyaṃ paya oṣadhayaḥ paśuḥ soma iti 149 ājyatantrāṇāmupām̐ śuyājavat . ājyavikāro madhūdake 150 yadyante syādityagnihotrādanantaravādo'bhipretaḥ 151 prāṇā vā ete yaccaturhotāraḥ . tān hutvā yadagnimapanayedyajamānasya prāṇān vichindyāditi vijñāyate 152 yadi sabhyāvasathyau na śaknuyādyo nityastasmin mantraprayogaḥ 153