Kalpah 2.2.3.11

2.2.3.11

yāsarasvatī viśobhagīnā tasyai te svāhā .. yā sarasvatī veśabhagīnā tasyai te svāhā .. indro pānasya veśān sumanasaḥ sajātān kuru svāhā .. yadakarma yannākarma yadatyagāma yadatyarīricāma yannātyarīricāma tat tvaṃ viṣṇo yajñe yajñaṃ pratiṣṭhāpaya svāhā .. yata indra bhayāmahe tato no abhayaṃ kṛdhi .. maghavañchagdhi tava tanna ūtaye . vidviṣo vimṛdho jahi svāhā ..
svastidā viśaspatirvṛtrahā vimṛdho vaśī .
vṛṣendra ḥ! pura etu naḥ svastidā abhayaṃkaraḥ svāhā ..
ābhirgīrbhiryadato na ūnamāpyāyaya harivo vardhamānaḥ .
yadā stotṛbhyo mahi gotrā rujāsi bhūyiṣṭhabhājo adha te syāma svāhā ..
anājñātaṃ yadājñātaṃ yajñasya kriyate mithu .
agne tadasya kalpaya tvam̐ hi vettha yathātatham̐ svāhā ..
puruṣasaṃmito yajño yajñaḥ puruṣasaṃmitaḥ .
agne tadasya kalpaya tvam̐ hi vettha yathātatham̐ svāhā ..
yat pākatrā manasā dīnadakṣā na yajñasya manvate martāsaḥ .
agniṣṭaddhotā kratuvid vijānan yajiṣṭho devām̐ ṛtuśo yajāti svāhā ..
yadasya karmaṇo'tyarīricaṃ yad vā nyūnamihākaram .
agniṣṭat sviṣṭakṛd vidvān sarva m̐! suhutaṃ karotu me ..
agnaye sviṣṭakṛte suhutahuta āhutīnāṃ kāmānām̐ samardhayitre svāhā iti 1 prājāpatyāmityuttamām̐ hutvā 2 3.11