Kalpah 2.2.3.15

2.2.3.15

tatraiṣo'tyantapradeśo vāgyata eva mantravatsu karmasu bhavati yāthākāmī tūṣṇīkeṣu 1 praṇītāsu praṇīyamānāsu vācaṃ yacchatyā haviṣkṛtaḥ 2 paruṣiparuṣi vācaṃ yacchatīti vijñāyate 3 athaikeṣāṃ prātaranuvāka upākṛte sāmidhenīṣu prayājānūyājeṣu stutaśastreṣviti vācameva yacchediti 4 athaikeṣāṃ yadṛcā yadi yajuṣā yadi sāmnā kriyate vācameva yacchediti 5 athaikeṣāmanyonyasmai vā ṛtvijo yajñasaṃpradāyaṃ caranti . yāvadvā ṛcārtvijyaṃ kriyate hotṛṣveva tāva-dyajño bhavati . yāvadyajuṣādhvaryuṣveva tāvat . yāvat sāmnodgātṛṣveva tāvat . atha yatra kva ca yajñasya vihitaṃ brahmaṇyeva tāvadyajño bhavati . tasmādetasminnantardhau brahmā vācaṃyamaḥ syāt 6 sa yadi pramatto vyāharedetā eva vyāhṛtīrabhivyāharet bhūrbhuvaḥ suvaḥ iti vaiṣṇavīṃ vārcam 7 yajño vai viṣṇuryajñenaiva yajñam̐ saṃtanotīti vijñāyate 8 3.15