Kalpah 2.4.13.23

2.4.13.23

athātaḥ śrāddhakalpam̐ vyākhyāsyāmaḥ 1 agnimupasamādhāya nirmanthya cāsagotrā-nayugmānapradakṣiṇamāmantr! ya brāhmaṇānpūrvedyurye mātṛtaḥ pitṛtaśca daśapuruṣam̐ sama-nusthitā vidyātapobhyāṃ kalyāṇakarmaṇaḥ śucayaḥ śuklavāsaso'parāhṇe prācī-nāvavītikṛtamaṇḍaloparipacchaucānācāntānprāṅmukhānpitṝnudaṅmukhānviśvedevā-nbhojayet 2 arghyapātrāṇyupakalpayeddvau daive trīnpitr! ya ekaikamubhayatra vā 3 samanyā yantītyapa āsicya sumanasaścotpūya yavānprakṣipya viśvāndevā-nāvāhayiṣyāmītyuktvā brāhmaṇairanujñāto viśve devā ṛtāvṛdho viśve devāso asridha iti yavānpradakṣiṇaṃ prakiret 4 pavitre pāṇau pradāya hiraṇyavarṇāḥ śucaya ityuktvā viśve devā eṣa vo arghyaḥ .. pitṝnpitāmahānprapitāmahānāvā-hayiṣyāmītyuktva brāhmaṇairanujñāta uśantastvā havāmahe paretana pitaraḥ somyāsa iti tilānpradakṣiṇaṃ prakiret 5 pavitre pāṇau pradāya nāmagotre samuccārya mama pitareṣa te'rghyaḥ pitāmaha prapitāmaheti . gandhapuṣpadhūpadīpāchādanāntairarcayitvā ghṛtāktamannamādāya mekṣaṇapāṇiragnaukaraṇaṃ kariṣyāmītyuktvā brāhmaṇairanujñātaḥ somāya pitṛmate svadhā nama iti juhoti 6 yamāyāṅgirasvate pitṛmate svadhā nama iti dvitīyāmagnaye kavyavāhanāya svadhā nama ityasam̐ saktāndakṣiṇārdhapūrvārdhe tṛtīyām̐ hutvocchiṣṭaṃ brāhmaṇebhyaḥ pradāya śeṣaṃ piṇḍapitṛyajñavannidadhyāt 7 1