Kalpah 2.4.13.24

2.4.13.24

api naḥ svakule bhūyādyo no dadyāttrayodaśīm .
pāyasaṃ madhusarpirbhyā m̐! varṣāsu ca maghāsu ca 1
sauvarṇeṣu ca pātreṣu rājataudumbareṣu ca .
dattamakṣayyatām̐ yāti khaḍgenāryakṛtena ca 2
payaḥ pṛthivyāmiti pāyasaṃ dadyānmadhu vātā ṛtāyata iti madhvāyurdeti ghṛtaṃ dadyāt 3 satyaṃ tvartena pariṣiñcāmīti pariṣicya tūṣṇī m̐! vā pṛthivī te pātramiti pātrābhimantraṇam 4 brāhmaṇāṅguṣṭhamādāya viṣṇo havyam̐ rakṣasveti viśvedevānviṣṇo kavyam̐ rakṣasveti pitṝnudakaṃ pāṇau pradāya oṃ bhūrbhuvaḥ svariti triruktvā madhu vātā ṛtāyata iti tr! yṛcaṃ prīyantāṃ pitaraḥ prīyantāṃ pitāmahāḥ prīyantāṃ prapitāmahā iti vāgyatastṛpyantvitīṣṭatamānyannāni dadyāt 5 triḥ sāvitrīmadhīte trī m̐! ścā-dito'nuvākān 6 atra pitaro mādayadhvaṃ prajāḥ sṛṣṭvām̐ ho'vayajyo śantastvā havāmahe'tra pitaro mādayadhvamityuktvā parāyanti 7 kṛṇuṣva pājā iti pañca sa te jānātyā no agne punantu mā pitara iti pitṝnaśnatsu japet 8 tṛptāḥ stha iti pṛchettṛptāḥ sma iti pratyāhuḥ 9 sakṛdācānteṣvagnidagdhā iti bhūmau vikiraṃ ninayet 10
agnidagdhāstu ye jīvā ye'pyadagdhāḥ kule mama .
bhūmau dattena toyena tṛptā yāntu parāṃ gatim ..
ityudakaṃ ninīya piṇḍapitṛyajñavatpiṇḍānnidadhyāt 11 athāgrabhūmimāsicya suprokṣitamastvityakṣayyamuttiṣṭhetyupotthāpya vāje vāja ityabhipravrajyā mā vājasyeti pradakṣiṇaṃ kuryādra jataṃ dadyātpūrṇapātram̐ vā 12
daśa pūrvāndaśāparānātmānaṃ caikavim̐ śakam .
śrāddhakṛnmocayetpāpānmahato'pyenasaḥ pitṝn 13
śrāddhaṃ ca yo na dadyātpitṛbhyaśca kadācana .
ṣaṣṭivarṣasahasrāṇi viṣṭhāyāṃ jāyate kṛmiḥ 14
yadeva tarpayatyadbhiḥ pitṝñśrāddhe samāhitaḥ .
tenaiva sarvamāpnoti pitṛyajñakriyāphalam ..
pitṛyajñakriyāphalamiti 15 2
iti mānavaśrāddhakalpaḥ samāptaḥ