Kalpah 2.4.2.20

2.4.2.20

ṛtugrahaiḥ pracarataḥ 1 upayāmagṛhīto'si madhave tvetiprabhṛtayo grahaṇāḥ 2 saha prathamau gṛhṇītaḥ . pariplavāmuduhya madhave tvetyadhvaryurupayāmagṛhīto'si sam̐ sarpo'syam̐ haspatyāya tveti pratiprasthātā 3 āśrāvya preṣyatyadhvaryustasya praiṣe yugapajjuhutaḥ 4 na ṛtugraheṣvanuvaṣaṭkaroti 5 hutvā gṛhītvā ca pratiprasthātā dakṣiṇenādhvaryumabhiprayamya pātram̐ harati 6 nānyo'nyamabhiprapadyete 7 śeṣe pūrvasyottaramabhiparigṛhṇītaḥ 8 pūrvaḥ pratiprasthātā mādhavāya tveti gṛhṇāti . vyatyāsamuttaraiḥ . samānamāśrāvayatoḥ sthānam 9 ṛtunā preṣyeti ṣaḍbhiḥ pracarato . yato hutaṃ tataḥ pātre gṛhītvā ṛtubhiḥ preṣyeti caturbhiryathāditastathā gṛhītvā ṛtunā preṣyeti dvābhyām 10 ekādaśe praiṣe'dhvaryū yajatamityukte tayoranyataro madhyamasya paridheḥ paścādupaviśya ye3 yajāmahe'śvinādhvaryū ādhvaryavādṛtunā somaṃ pibatām̐ vauṣaḍiti yajedatha cedṛcā ye3 yajāmahe aśvinā pibataṃ madhu dīdyagnī śucivratā ṛtunā yajñavāhasā .. vauṣaḍityanavānam̐ yajati 11 hotaretadyajeti yātipreṣyatyuttame praiṣe yajamānasya yājyātipraiṣo vā 12 sahottamau gṛhṇītastapasyāya tveti pratiprasthātā sam̐ sarpeṇādhvaryuḥ 13 dakṣiṇataḥ pratiprasthātāvatiṣṭhate . tasya praiṣe yugapajjuhutaḥ 14 hutvā vyavanayataḥ 15 adhvaryuḥ pratiprasthāne sarvamānayati 16 tasyāgraṃ pratiprasthātādhvaryupātre-'vanīyendrā gnī āgatam̐ sutamiti pratiprasthātādhvaryupātra aindrā gnaṃ gṛhṇātyeṣa te yonirindrā gnibhyāṃ tveti sādayati 17 pratiprasthānenādhvaryurbhakṣam̐ harati 18 vāgdevī somasya pibatviti bhakṣayanti samupahūya yathejyam̐ vyatihāram 19 prasadasi pātramādadhāti 20 pratiprasthātā savanīyānnirvapati 21 yathā vaiśvadevasya stotropākaraṇakāle haviṣkṛdāhūyeta 22 agreṇa hotāraṃ bahiḥ sadasaḥ prāṅmukhaḥ pratigarāyopaviśati 23 adhvaryo śo m̐! 3 sāvo3mityucyamāne śo m̐! 3sāvo daivo3miti pratiparyāvartate 24 ṛtupātramārabhyordhvastiṣṭhansadobile samānasvaram̐ hotrā vyavasāneṣu pratigṛṇātyothā modaivetyapraṇuteṣvothā modaivo3miti praṇuteṣvṛganteṣu ca 25 yathā vā hotā brūyādāhūtaḥ śom̐ 3sāvo daivo3miti pratyāhvayati 26 samāpte śastre grahamādatte'dhvaryuścamasādhvaryava-ścamasān 27 āśrāvyokthaśā yaja somasyeti preṣyati 28 vaṣaṭkṛ-tānuvaṣaṭkṛte juhoti 29 camasārdhvavo dviścamasānanu prāṅnayanti 30 vāgdevī somasya pibatvityaindrā gnam̐ sarvabhakṣaṃ bhakṣayataḥ 31 narāśam̐ sapītasya soma deva te matividaḥ prātaḥsavanasya gāyatrachandasaḥ pitṛpītasyeti vikṛto bhakṣamantraḥ 32 siddhamā sādanāt 33 ṛtupātre mārjālīye prakṣālya yathāsthānam̐ sādayati 34 omāsaścarṣaṇīdhṛta iti śukrapātre vaiśvadevaṃ gṛhṇātyeṣa te yonirviśvebhyastvā devebhya iti sādayati 35 pratiprasthātā dro ṇakalaśaṃ pūtabhṛtyavanīya daśayā parimṛjya yathāsthānaṃ nyubjati 36 caturhotāram̐ yajamāno japati purastā-dājyānāmiḍāyai hiṅkurviti ca 37 dakṣiṇena hotrīyaṃ prastotre darbhau prayachannupā-vartadhvamabhisarya yajamāneti stotramupākaroti 38 evamata ūrdhva m̐! stotrā-ṇyupākarotyanyatra pavamānābhyām 39 eṣetyukte pratigarāyopaviśati . sa vyākhyātaḥ 40 praugam̐ śastraṃ pratigīrya grahādānaprabhṛti samānamaindrā gnenā bhakṣaṇāt 41 narāśam̐ sapītasyeti vikṛto bhakṣamantraḥ 42 siddhamā sādanāt 43 mārjālīye prakṣālya pūtabhṛto'nte sādayanti yathāsthānaṃ pātram 44 2.4.2