Kalpah 2.4.2.22

2.4.2.22

mādhyaṃdināya savanāya prasarpanti 1 nigrābhyāḥ stheti yajamānaṃ vācayitvā somopanahanaṃ grāvastute prayachatyunnetre ca vasane 2 apreṣito grāvastotriyā anvāha 3 niryātya rājānamabhiṣuṇvanti 4 vyākhyāto'bhiṣavaḥ 5 ihā ihetyabhiṣuṇvanti 6 uttamasya paryāyasya madhyame paryāye bṛhadbṛhadityabhiṣuṇvanti 7 siddhamā śukradhārāyāḥ 8 śukrāmanthiprabhṛtīngṛhṇāti 9 ya āgrāyaṇasthālyām̐ somastam̐ hotṛcamase'vanīyādhavanīyāccodañcanena ye devā divyekādaśa sthetyāgrāyaṇaṃ tisṛbhyo dhārābhyo gṛhṇātyuccaistarām̐ hiṅkaroti 10 ṛtupātrābhyāṃ marutvatīyau gṛhṇīta indra marutva iha pāhi somamityadhvaryurjaniṣṭhā ugra iti pratiprasthātaiṣa te yonirindrā ya tvā marutvata iti sādayati 11 ukthyaṃ gṛhītvātipāvya rājānaṃ prapīḍya pavitram̐ siddhamā sarpaṇāt 12 ṝjūdarā mādhyaṃdināya savanāya prasarpanti 13 uttareṇa havirdhāne pūrvayā dvārā sadaḥ praviśya sadasi stuvante 14 anatikrāmandhiṣṇyānadhvaryurupaviśati 15 vyākhyātam̐ saṃpāvanaṃ . tathopākaraṇaṃ pavamānasya 16 pañcahotāram̐ yajamāno japati purastānmādhyaṃdinasya pavamānasya jyotiṣe hiṅkurviti ca .. suparṇo'si triṣṭupchandā anu tvārabhe svasti mā saṃpārayeti ca 17 stute'gnīdagnīnvihara barhiḥ stṛṇāhi puroḍāśaṃ alaṃkuru pratiprasthātardadhigharmāya dadhyupakalpayasveti preṣyati 18 vyākhyātam̐ viharaṇamulaparājī ca 19 vaiṣṇavyā pātrāṇi saṃmṛśya dadhigharmeṇa pracaranti yadi pravṛñjanti 20 savanīyānāmudvāsanaprabhṛti siddhamā saṃpraiṣāt 21 mādhyaṃdinasya savanasyendrā ya puroḍāśānāmiti vikṛtaḥ saṃpraiṣaḥ 22 savanīyaiḥ pracaryonnīyamānebhyo'nubrūhītyanuvācayati 23 sāchāvākacama-sānunnayati 24 siddhamā saṃpraiṣāt 25 mādhyaṃdinasya savanasya śukravato manthivato niṣkevalyasya bhāgasyendrā ya somānprasthitānpreṣyeti vikṛtaḥ saṃpraiṣaḥ 26 siddhamā sam̐ yājanāt 27 pūrvo'chāvāko yajatyāgnīdhrāt 28 hotrā samudyamya samupahūya rudra vadgaṇasya soma deva te mativido mādhyaṃdinasya savanasya triṣṭupchandaso'gnihuta indra pītasyeti vikṛto bhakṣamantraḥ 29 siddhamā sādanāt 30 āgnīdhre savanīyānbhakṣayanti . tadvyākhyātam 31 2.4.4