Kalpah 2.4.5.1

2.4.5.1

iṣṭibhiryajeta paurṇamāsyāmamāvāsyāyām̐ vā pūrvapakṣe vā puṇye nakṣatre'nyatra navamyāḥ 1 prāyaścitteṣṭirāpatkālā . sadyaḥ kuryāt 2 tūṣṇīmagniṣvanvādhāya vratamupaityanyatra niyatakālābhyaḥ samṛtayajñācca 3 āhavanīyotkarāvantarā tīrthaṃ cātvālotkarāvantarā sacātvālāsu 4 saptadaśa sāmidhenyaḥ 5 pṛthupājāstam̐ sabādha iti pṛthupājavatyau dhāyye . samidvatyāvantarā dhāyyāsthānam 6 ājyabhāgasviṣṭakṛtāvantarejyānāmāvāpaḥ 7 nigadamāvāhana uttame prayāje sviṣṭakṛti sūktavāke ca 8 avyavahitāḥ samānadevatāḥ sakṛdāvapetpratījyam̐ vyavahitāḥ 9 vājino nāvāhayati 10 paśupuroḍāśam̐ yāni cānvāyatante trimātrāṇi bhavati .. ye3 yajāmaha ādi-rehyāvaheti co śrāvayetyādito dve brūhipreṣyaśrauṣaḍvauṣaṭsūpottamam̐ yājyāntaśca . tasminsaṃdhyakṣarāṇyapragṛhyāṇi vivekena plavante 11 śastrānuvacanayoruttamamakṣaram̐ svarādyokārī bhavati 12 ṛksamavāye triḥ prathamottame 13 praṇavenarcaḥ saṃdadhāti 14 agnyādheyeṣṭiṣvārambhaṇīyānunirvāpyā 15 anīkavatasāṃtapanakrīḍineṣu pañcadaśa sāmidhenyaḥ 16 rājanyātrivadhryaśvavasiṣṭhavaiśyaśunakānāṃ kaṇvakaśyapa-saṃkṛtīnāṃ narāśam̐ so dvitīyaḥ prayājastanūnapādanyeṣāmubhau yatra samāmnātau 17 yasyai devatāyai vaṣaṭkuryāttāṃ manasā dhyāyet 18 āgneyenāṣṭākapālena svargakāmo yajeta paurṇamāsatantreṇa 19 agnirvṛtrāṇi jaṅghanattvam̐ somāsi satpatiriti vārtraghnāvājyabhāgau 20 agnirmūrdhā bhuvo yajñasyeti haviṣaḥ 21 piprīhi devānagne yadadyeti sviṣṭakṛtaḥ sam̐ yājye 22 paurṇamāsatantramanādeśe 23 kapāle naṣṭe prayuktānāṃ prāgudvāsanādagnaye vaiśvānarāya dvādaśakapālaṃ nirvapet 24 bhārgavo hotā 25 ekahāyano gaurdakṣiṇā 26 prāyaścittiḥ kalpaḥ 27 agne rakṣā ṇastvaṃ naḥ someti rakṣitavantāvājyabhāgau 28 vaiśvānaro na ūtyā pṛṣṭo divīti haviṣaḥ 29 viśvāni no'gne tvaṃ pārayeti pārayadvatyau sam̐ yājye 30 sarvāsvārambhaṇīyāsu paurṇamāsatantram 31 agnyādheye trihavirārambhaṇīyā caturhavirvā 32 agnāviṣṇū sajoṣaseti ṣaṭtrihaviṣaḥ 33 tvamagne vīravattvaṃ bhago na ityāgnāvaiṣṇavādanantare caturhaviṣaḥ 34 yadi kāmyo bhagī nānātantraḥ 35 vairājaḥ kalpaḥ 36 agniḥ pratnena manmanā soma gīrbhiṣṭvā vayamiti vṛdhanvantāvājyabhāgau 37 āmnāte haviṣaḥ 38 preddho agna iti virājau sam̐ yājye 39 5.1.1