Kalpah 2.4.5.16

2.4.5.16

rājā purohito vā kārīryā vṛṣṭikāmo yajeta 1 kṛṣṇamāchādya pūrvāhṇe vratamupai-ti 2 vaitasamidhmamājyaṃ madhu karīrasaktūnkṛṣṇājine paścādāhavanīyasyopa-sādayati 3 anvārabdhe yajamāne vācayanpurovātetiprabhṛtibhiriṣṭau vātaho-māñjuhoti 4 māndā vaśā iti madhunā karīrasaktūnsaṃnīya catasraḥ piṇḍīḥ kṛtvā kṛṣṇājine nidadhāti 5 vṛṣṇo aśvasya saṃdānamasīti śyāvasyāśvasya saṃdānamanumantrayate 6 vṛṣṭyai tvopanahyāmīti kṛṣṇājine piṇḍīrupanahyati 7 devā vasavyā iti pūrvārdhe gadhākarṇe pratimucyāhnastṛtīyaṃ kāṅkṣet 8 yadi varṣeduttarābhyāmaparayoḥ pratimucyeṣṭiṃ nirvapet 9 na cedvarṣeddevāḥ śarmaṇyā iti madhyame pratimucyāhna uttarārdhaṃ kāṅkṣet 10 yadi varṣeduttamena paścārdhe pratimucyeṣṭiṃ nirvapet 11 na cedvarṣeddevāḥ sapītaya iti pratimucyāhnaḥ śeṣaṃ kāṅkṣet 12 vṛṣṭe sadyo nirvapet 13 yadi na varṣettatraiva vaseyuḥ 14 śvobhūte'gnaye dhāma-chade'ṣṭākapālaṃ nirvapenmārutam̐ saptakapālam̐ sauryamekakapālam 15 udvāsa-navelāyāṃ kām̐ sye camase vopastīrya piṇḍīralaṃkaroti 16 prāk sviṣṭakṛtaḥ piṇḍīmavadāya divā cittama iti nigadya devā vasavyā iti juhotyāyara iti nigadya devāḥ śarmaṇyā iti dvitīyāmudīrayateti nigadya devāḥ sapītaya iti tṛtīyām̐ .. sṛjā vṛṣṭiṃ diva ityapsu caturthīm 17 ye devā divibhāgāḥ stheti barhiṣi kṛṣṇājinamavadhūnoti 18 ramayata marutaḥ pretam̐ vājinaṃ manojavasam̐ vṛṣaṇam̐ suvṛktim . yenedamugramavasṛṣṭameti tamaśvinā paridhattaṃ svastaye .. ityuttarato vārṣikam̐ vātamanumantrayate 19 kṛṣṇaṃ niyānamiti ṣaṭtrihaviṣām 20 āgnimārutaṃ tantram 21 uttamayā sauryamabhijuhoti 22 saiṣā kārīrī nāmeṣṭirya etayā yajeta sam̐ vatsaraṃ karīrāṇāṃ nāśnīyāditi vratam 23 5.2.6