Kalpah 2.4.5.19

2.4.5.19

paśubandhe devatāyajamānapaśuvācināmekavacanadvivacanabahuvacanāni 1 trīṇi-trīṇi svaśabdāni pum̐ si pūrvāṇi parāṇi striyāḥ . strīpum̐ soḥ samavāye pum̐ savat 2 medhapataya iti yajamānavāci paśuvāci devatāvāci vā . medhapataye medhapatibhyāṃ medhapatibhyo medhapatnyai medhapatnībhyāṃ medhapatnībhyo . medhīṃ medhyau medhīḥ . prāsmā agniṃ prābhyāmagniṃ praibhyo'gniṃ prāsyā agniṃ prābhyāmagniṃ prābhyo'gnimityevamata ūrdhvamūhyamūhet 3 dvipaśuprabhṛtipratyaṅgānāṃ bahuvacanāni . praśasā bāhū śalā doṣaṇī kaśyapevām̐ sāchidre śroṇī kavaṣorū sreka-parṇāṣṭhīvantā 4 yānyavyayānyanekāni tāni dvirabhyasyante . tāni vyā-khyāsyāmo yathaikadhaikadhā purā purāntarantaḥ ṣaḍvim̐ śatiḥ ṣaḍvim̐ śatirmadhyato madhyataḥ pārśvataḥ pārśvataḥ śroṇitaḥ śroṇitaḥ śitāmataḥ śitāmata utsādata utsādataḥ prastutyeva prastutyevopastutyevopastutyeva medasto medasta iti 5 haviṣi praiṣe sūktavāke ca adat adatāṃ adan ghasat ghastāṃ ghasan aghasat aghastāṃ aghasan karat karatāṃ karan agrabhīt agrabhīṣṭāṃ agrabhīṣuḥ akṣan 6 mātā pitā bhrātā sagarbhyo sakhā sayūthyonābhirūpamāsam̐ sargi śabdāścakṣuḥ śrotram̐ vāṅmanastvaṅmedo havirbarhiḥ śyenam̐ vakṣa ityanūhyāni 7 5.2.9